Pantallín visita Educación Infantil

Xogamos co número 2. Actividade para o EDI.

2012-02-14T07:00:00.000+01:00

Nova actividade para o EDI; coma sempre, para descargar podes premer na imaxe ou no enderezo que aparece debaixo.

http://edi-riadevigo.wikispaces.com/numeros

"El muñeco de nieve" - 3 anos

2012-02-13T07:00:00.003+01:00

Os nenos e nenas de 3 anos ilustraron esta poesía sobre un boneco de neve que compartimos con todos vós; agardamos que vos guste.

Hoy al abrir la ventana

vi un muñeco sin abrigo;

un sombrero le tapaba

su cabeza de nieve helada.

Por nariz una zanahoria,

por ojos dos carbones

y una bufanda muy larga

con flecos de colores.

Para poder ver o álbum coa totalidade das imaxes, podes premer no noso apartado "Álbumes Picasa", na parte superior deste blogue; tamén podes visitar

https://picasaweb.google.com/104924940840955327392/ElMunecoDeNieve_3Anos

XUNTOS POLA PAZ!!!

2012-02-10T08:55:00.000+01:00

DÚAS COMUNIDADES, UNHA REALIDADE: XUNTOS POLA PAZ!!!

CEIP. RÍA DE VIGO - CEIP. CASTELAO (NAVIA)

O pasado venres, 3 de febreiro de 2012, celebramos na nosa escola o Día da Paz; pero non estivemos nós soamente, acompañáronnos os nenos, nenas, mestres e mestras do CEIP. Castelao de Navia para compartir esta xornada as dúas Comunidades unidas nunha soa realidade: XUNTOS POLA PAZ!!!

A mañá se presentaba moi fría... ás 10:45 todo o alumnado do colexio baixou cara o patio á espera dos nenos e mestres do CEIP. Castelao. Cando chegaron, formamos no patio da escola uns enormes círculos collidos das mans e bailamos todos xuntos a canción "O xogo da carrasquiña", que poderedes atopar no CD "Na punta do pé"

Dous nenos do Ceip. Ría de Vigo foron os encargados da lectura de benvida mentres o resto esperabamos nos círculos para bailar.

Cando rematamos a canción, comezamos coa distribución dos grupos de xogos: pintacaras, pasar o río, o paracaidas, apertas musicais, obradoiro de contos, os sacos,...

Pasámolo moi ben e compartimos risas e xogos con nenos e nenas doutra escola...

Ao rematar os xogos, disfrutamos dunha merendola: bocata de pan con chocolate, zume de froitas e rosca.

Os nenos e nenas do Ceip. Castelao foron os encargados de ler o manifesto pola Paz e, todos xuntos, bailamos a canción "Amiguiños todos"; por outro lado, o neno de maior e menor idade de cada colexio dirixiuse as escaleiras do patio para proceder á solta da pomba da Paz...

Para ver a totalidade das imaxes, poderedes acceder ao Álbum Picasa da ANPA do cole. Aquí vos deixamos a ligazón:

https://picasaweb.google.com/110042885670523887230/DiaPaz2012?authuser=0&authkey=Gv1sRgCL-MkNirl5Iy&feat=directlink&gsessionid=IxzXPW8Pb6DxxWVTooaSPQ#

Matemáticas piratas

2012-02-08T07:00:00.001+01:00

Nova actividade para a pizarra máxica; nesta ocasión traballaremos as matemáticas dunha forma moi divertida.

A partires destas actividades, poderás traballar con dous tipos de actividades relacionadas coas matemáticas: por un lado, "cantos hai?" e, por outro, "que di o dado?". Nas primeiras, terás que asociar o número coa cantidade correspondente. Nas segundas, premer no dado e colocar tantos obxectos como indique.

Coma sempre, para descargar o arquivo podes premer no debuxo ou na ligazón que aparece debaixo.

http://edi-riadevigo.wikispaces.com/Piratas

Os piratas levan...

2012-02-07T07:00:00.000+01:00

Como xa vos comentamos na entrada anterior, os nenos e nenas da aula de 3 anos tiñan que traer á escola un debuxo ou imaxe dun pirata. Grazas ás familias, puidemos contar con moitos exemplos para a realización da actividade.

O obxectivo era adiviñar cales eran os obxectos "típicos" dos piratas e se coincidían cos que apareceron na bolsa os pasados días.

Cada un dos nenos e nenas amosou o seu debuxo aos seus compañeiros e compañeiras. Nunha gráfica anotamos os obxectos "piratas" e colocamos un gomet cando no debuxo aparecía un deles (tamén elaboramos as gráficas coas pezas de construccións).

Así, puidemos elaborar unhas "estadísticas" para descubrir os obxectos presentes en maior e menor medida nos piratas.

Proximamente, publicaremos unhas gráficas para que vós tamén os coñezades... ata a próxima.

Sesións piratas e obxectos sorpresa

2012-02-06T07:00:00.000+01:00

Nas aulas de 3 anos da escola, uns obxectos sorpresa estiveron a aparecer durante os días pasados; todos eles (de un en un) apareceron nesta simpática bolsa á que lle chamamos Pepi.

Todos xuntos (os da aula de 3 anos A e os de B) abrimos a bolsa cada día e descubrimos o obxecto segredo.

Aquí vos deixamos coa última sesión na que nos atopamos cun gorro pirata.

Cada ocasión que a bolsa traia algún obxecto sempre aparecía pouco a pouco, tocamos, olemos, escoitamos, pensamos que pode ser, quen o pode utilizar, para que pode servir, expresamos a opinión, contrastámola coa dos demais, etc.

As sesións son moi divertidas xa que, entre todos, pensamos o que pode ser, respectamos o turno de palabra, nos axudamos, etc.

Estes foron os obxectos que apareceron na bolsa durante varios días. Colocámonos no corcho da aula e lle puxemos o nome que pensabamos que tiñan.

Posteriormente, puxemos en común todos os obxectos e decimos de quen poderían ser.

Todos e todas o tiñamos bastante claro: pois dun PIRATA!!!

Decidimos seguir investigando e saber se os piratas levaban todos estes obxectos; así, consensuamos unha nota para as familias que escribimos no encerado.

Agora, as familias nos poderían axudar a atopar un debuxo ou imaxe dun pirata.

Continuará...

Cuestionario pirata... serás capaz de responder???

2012-02-01T07:00:00.004+01:00

<p>&amp;amp;amp;lt;p&amp;amp;amp;gt;&amp;amp;amp;amp;amp;amp;amp;lt;p&amp;amp;amp;amp;amp;amp;amp;gt;&amp;amp;amp;amp;amp;amp;amp;amp;amp;amp;amp;lt;p&amp;amp;amp;amp;amp;amp;amp;amp;amp;amp;amp;gt;Cargando...&amp;amp;amp;amp;amp;amp;amp;amp;amp;amp;amp;lt;/p&amp;amp;amp;amp;amp;amp;amp;amp;amp;amp;amp;gt;&amp;amp;amp;amp;amp;amp;amp;lt;/p&amp;amp;amp;amp;amp;amp;amp;gt;&amp;amp;amp;lt;/p&amp;amp;amp;gt;</p>

Xogamos cos piratas e coas letras

2012-01-31T07:00:00.000+01:00

Nova actividade para o EDI, nesta ocasión titulada: "Xogamos cos piratas e coas letras".

Dende a Wiki do colexio, onde aloxamos todas as actividades para a pizarra máxica, poderedes descargar o contido sen problema, alí atoparedes a versión en galego e en castelán.

Preme na imaxe ou no enderezo web que aparece debaixo e... a xogarrrr!!!

http://edi-riadevigo.wikispaces.com/Piratas

Creando caras

2012-01-27T18:16:00.000+01:00

Hoxe, vos propoñemos unha divertida actividade para traballar no EDI cos nenos e nenas de 3 anos... bueno, ou cos maiores que seguro lles gusta.

Todas as mañás, o encargado/a decide que neno/a da aula quere que faga o seu debuxo; así, todos os días traballamos o esquema corporal e, para que vexades os resultado aquí vai un debuxo... están moi ben verdade?

Por outro lado, decidimos debuxar entre todos nun papel a o encargado/a para despois que o pinte.

Para seguir disfrutando, aquí vos deixamos esta divertida actividade coa que poderedes crear caras tan divertidas coma as das imaxes que aparecen debaixo.

Para descargar a actividade, podes premer na imaxe inferior ou na ligazón seguinte:

http://edi-riadevigo.wikispaces.com/O+Corpo+Humano

Actividade EDI: "50x15 Piratas"

2012-01-24T08:00:00.000+01:00

Como xa vos comentabamos na entrada anterior, compartiremos con todos e todas as diferentes actividades que estamos a elaborar para traballar sobre os piratas.

Unha delas e este xogo para o Encerado Dixital (pizarra máxica) baseado no programa de televisión "50x15, ¿Quieres ser millonario?"; o alumnado terá de contestar correctamente as 15 preguntas propostas para conseguir un agasallo final... non o dubides, e xogar con esta divertida actividade.

Para a súa descarga, podes premer na imaxe ou na ligazón que aparece debaixo.

http://edi-riadevigo.wikispaces.com/Xogamos+ao+50x15

A cousa vai de... Piratas

2012-01-23T08:00:00.000+01:00

"Suban a bordo, lean e naveguen" é o proxecto anual que este ano desenvolvemos na escola. Cada unha das aulas do colexio escolleu un barco para traballar e nós, dende infantil, decidimos traballar cos piratas.

Por todos os corredores do cole, poderedes atopar debuxos e murais das diferentes embarcacións; para ver as imaxes, podes visitar o blogue da BiblioRía (http://www.biblioria.blogspot.com/).

Aquí vos deixamos unha mostra dos barcos de 3, 4 e 5 anos... algúns deles todavía non están "convertidos" en barcos pirata pero, pouco a pouco, se transformarán.

Quedaron chulos, verdade?

Estade moi atentos ao noso blogue porque, pouco a pouco, "colgaremos" diferentes e variadas actividades para traballar cos piratas e as compartiremos con todos os nosos usuarios.

Ata a próxima.

Actividades LIM para traballar a Paz

2012-01-16T08:00:00.007+01:00

Xa queda pouco para celebrar o Día da Paz na escola.

Grazas ao traballo doutras mestras e mestres, podemos disfrutar destas actividades Lim. Poderedes atopar milleiros na páxina de Edilim, no seu apartado "Biblioteca", aquí vos deixamos a ligazón:

http://www.educalim.com/biblioteca/index.php

Para poder acceder e xogar con estas actividades, podes premer na imaxe correspondente ou no enderezo que aparece debaixo da mesma.

http://www.iessierraalmenara.es/users/mg2612/proyectomariaauxiliadoraexpositoguillen/educacion_para_la_paz.html

http://dl.dropbox.com/u/14722558/PAZ/paz.html

http://engalego.es/curso/lim/crebacabezas_paz/crebacabezas_paz.html

Crebacabezas do inverno

2012-01-11T09:08:00.000+01:00

Vestidos para o inverno

2012-01-10T08:00:00.000+01:00

"Buceando" pola rede, atopamos estes debuxos recortables. Aquí os deixamos por se os queredes descargar: (http://www.dibujosymanualidades.com/manualidades/vestirse-para-el-invierno/)

Xa estamos de volta e... xa chegou o inverno.

2012-01-09T08:00:00.001+01:00

Xa estamos aquí de novo!!! como non pode ser doutra forma, o primeiro que temos que dicir é que xa estamos nun ano novo: FELIZ ANO 2012!!!

Por outro lado, o inverno tamén chegou e as temperaturas comezaron a baixar. Por iso, queremos compartir con todos unha serie de recursos que atopamos na rede e que poderedes aproveitar nas vosas aulas ou nas casas.

Dende as seguintes ligazóns, poderedes lembrar actividades propostas neste blogue para traballar o inverno, así como unha actividade lim atopada na rede. Preme nos enderezos ou nas imaxes que aparecen abaixo e accede á información:

CHEGA O... INVERNO (Actividade LIM)

http://educacioninfantilriadevigo.blogspot.com/2010/02/chega-o-inverno.html

Actividades para traballar o inverno (Para repasar no EDI e de lectoescritura)

http://educacioninfantilriadevigo.blogspot.com/2011/01/actividades-para-traballar-o-inverno.html

Don Fresquete (actividade elaborada por Ana Martínez Rey)

http://dl.dropbox.com/u/14722558/DONFRESQUETE/donfresquete.html

Por outro lado, na rede atoparedes milleiros de imaxes e recursos para disfrutar desta estación do ano:

Na páxina http://www.dibujosymanualidades.com/tag/invierno/ recopilan un montón de variadas actividades; algunhas delas serían estes dominós e memories (http://www.dibujosymanualidades.com/manualidades/juegos-de-invierno-domino-y-parejas/)... aquí vos deixamos unha mostra.

Xa para rematar, as tradicionais manualidades dos bonecos de neve:

http://elblogdemarybel.blogspot.com/2010/12/muneco-de-nieve.html

http://www.jugarycolorear.com/2010/12/manualidades-recortable-muneco-de-nieve.html

http://www.jugarycolorear.com/2010/11/manualidad-navidad-adornos-hechos-con.html

BOAS FESTAS DE NADAL A TOD@S!!!

2011-12-22T22:06:00.000+01:00

A VOLTA ÁS AULAS SERÁ O VINDEIRO DÍA

9 DE XANEIRO

DESEXAMOS QUE PASEDES UNHAS BOAS FESTAS DE NADAL E QUE O NOVO ANO VEÑA CARGADO DE BOS DESEXOS E MOITA SAÚDE.

Chocolatada, visita do Rei e Teatro familias!!! última xornada antes das vacacións de Nadal.

2011-12-22T21:34:00.001+01:00

Este mércores, 21 de decembro, celebramos a última xornada na escola antes das Vacacións de Nadal.

Como ben comentabamos nunha das últimas entradas deste blogue, o chocolate, a visita do Rei e o teatro das familias animou este día.

Para comezar, que mellor que quentar o corpo cun saboroso chocolate elaborado polas cociñeiras da escola.

Para continuar coa xornada, unha emocionante visita do Rei Mago... algún que outro aínda ten o "susto" no corpo...

Pedímoslle bos desexos pero tamén algún que outro agasallo... e nós recibimos gominolas e as mestras unha pranta de Nadal.

Xa para rematar, un divertidísimo teatro de pais/nais onde eles mesmos se converteron nuns simpáticos bebés... FELICIDADES POLO VOSO TRABALLO... ENCANTOUNOS!!!

Aquí vos deixamos algunhas ligazóns de interese.

Se queredes descargar as imaxes correspondentes a estes días de festa, poderedes premer nestes enlaces.

IMAXES DAS ACTIVIDADES DO LUNS, 19 DE DECEMBRO

(FESTA NADAL ED. INFANTIL E 1º CICLO DE PRIMARIA)

IMAXES DAS ACTIVIDADES DO MARTES, 20 DE DECEMBRO

(FESTA NADAL 2º E 3º CICLO DE PRIMARIA)

IMAXES DAS ACTIVIDADES DO MÉRCORES, 21 DE DECEMBRO

(CHOCOLATADA, VISITA DO REI MAGO E TEATRO DE FAMILIAS)

..........................................................................

Por outro lado, queremos lembrar a todos os nosos visitantes que poderedes seguir visitando este blogue e xogando coas actividades de Nadal propostas como, por exemplo, as seguintes:

ATOPA AO DIFERENTE

CANTOS HAI?

Imaxes para xogar no Nadal: "Atopa ao diferente"

2011-12-21T22:00:00.001+01:00

O venres, 9 de decembro, publicamos neste blogue unha entrada co título:

Busca ao diferente no Nadal

Aquí vos deizamos as imaxes da actividade para que poidades xogar nestas festas:

Imaxes para xogar no Nadal: "JUGAMOS CON LOS NÚMEROS. ADIVINA CUÁNTAS COSAS HAY. DIVIÉRTETE CON LOS NÚMEROS 1, 2 Y 3".

2011-12-21T22:00:00.000+01:00

O martes, 13 de decembro, publicamos neste blogue unha entrada con título seguinte:

"JUGAMOS CON LOS NÚMEROS. ADIVINA CUÁNTAS COSAS HAY. DIVIÉRTETE CON LOS NÚMEROS 1, 2 Y 3". Actividade EDI

Como moitas das nosas familias e usuari@s non dispoñen do programa Notebook nas súa casas, aquí vos deixamos as imaxes da actividade para poder xogar nas casas nestes días de Nadal.

Poderedes tamén atopar as imaxes nos nosos álbumes Picasa, no seguinte enderezo:

https://picasaweb.google.com/104924940840955327392/NadalCantosHai

... e aquí vos deixamos coas imaxes por se estes días de Nadal queredes adicar un tempo a xogar.

Festival de Nadal e... BOAS FESTAS A TODOS E TODAS!!!

2011-12-20T22:40:00.001+01:00

ACTIVIDADES DE NADAL 2011

Onte, 19 de decembro, celebramos na escola a 1ª parte do Festival de Nadal e contamos coas actuacións do alumnado de educación infantil e 1º ciclo de educación primaria.

Os nenos e nenas de 4º de educación infantil (3 anos) representaron a panxoliña tradicional

"Mi burrito sabanero"

Por outro lado, o alumnado de 5º e 6º de educación infantil (4 e 5 anos) dividiu as súas aulas e, xuntando a uns pouquiños de cada unha, realizaron dúas actuacións diferentes.

Unha delas, a canción pirata

"El mejor tesoro".

A outra canción interpretada foi o divertido e marchoso

"Nadal Twist".

Para poder acceder a todas as imaxes, poderedes premer na ligazón do blogue do ANPA que aparece aquí debaixo...

http://anpaceipriadevigo.blogspot.com/

...e acceder aos seus Álbumes Picasa...

(https://picasaweb.google.com/110042885670523887230/Navidad2011?authuser=0&authkey=Gv1sRgCP2Xhfii58qPUQ&feat=directlink#)

...onde poderedes atopar moitísimas imaxes desta festa así como da que tivo lugar hoxe, martes 20 de decembro coas actuacións de 2º e 3º ciclo de educación primaria.

E mañá...

Mañá, o día se presenta moi "movidiño". Teremos unha chocolatada con rosca, que prepararán as nosas estupendas cociñeiras, así como unha visita moi especial... será o Rei Mago?, será Papá Noël?, quen será?

Para rematar a xornada, disfrutaremos dunha obra teatral interpretada por algúns pais e nais do colexio.

Xa vos contaremos todas as novas dende este espazo web.

Para finalizar esta entrada, queremos desexar a todos os nosos lectores/as unhas

BOÍSIMAS FESTAS DE NADAL

E que mellor forma de facelo que coa imaxe desta árbore, elaborada por todos os nenos e nenas de educación infantil coas caixas de ovos, así como cunhas saborosas coroas cheas de gominolas que tanto gustan ao alumnado e tamén ao profesorado.

mmm... que saborosas e chulas coroas de Nadal.

Están elaboradas coa espuma-esponxa para facer arte floral e tamén con gominolas "pinchadas" na mesma esponxa (os caramelos levan incorporado un alambre para os poder enganchar)

COROA DE 3 ANOS

COROA DE 4 ANOS

COROA DE 5 ANOS

Mañá, máis novas!!!

Chega o Outono-3 anos

2011-12-19T08:00:00.000+01:00

Co título "Chega o Outono" presentamos este pequeno "proxecto" realizado polo alumnado de 3 anos do colexio.

Aquí vos deixamos o enderezo para poder acceder ao álbum Picasa:

(preme na imaxe ou na ligazón de abaixo)

https://picasaweb.google.com/104924940840955327392/ChegaOOutono_3Anos

Aquí vai unha presentación do mesmo. Preme nas frechas para o poder ver na súa totalidade.

"Xogamos co tangram"

2011-12-14T08:00:00.000+01:00

Un xogo moi divertido e que axuda ao noso alumnado a traballar diferentes habilidades é o xogo do Tangram.

O Tangram é un xogo popular de orixe chinés, moi antigo, que está formado por 7 pezas (1 cadrado, 2 triángulos grandes, 1 triángulo mediano, 2 triángulos pequenos e 1 trapecio) a partir das que podemos realizar multitude de figuras de características diversas: animais, persoas, barcos,...

Traballar con este xogo facilita a estimulación de diferentes habilidades importantes para a aprendizaxe: orientación espacial, estructuración espacial, coordinación visomotora, atención, razoamento lóxico-espacial, percepción visual, memoria visual, percepción figura-fondo.

Aquí vos deixamos esta actividade para traballar na "pizarra máxica" coa que poderedes xogar ou conformar 10 imaxes diferentes a partires das pezas do tangram.

Para descargar, preme na imaxe ou no enderezo web.

http://edi-riadevigo.wikispaces.com/Tangram

"JUGAMOS CON LOS NÚMEROS. ADIVINA CUÁNTAS COSAS HAY. DIVIÉRTETE CON LOS NÚMEROS 1, 2 Y 3". Actividade EDI

2011-12-13T08:00:00.000+01:00

Nova actividade para traballar no Nadal. Esta vez os números son os protagonistas; traballamos co 1, 2 e 3 e nos divertimos averiguando cantos obxectos hai en cada folla.

Para descargar, xa sabes, preme na imaxe ou na ligazón... adiante!!!

http://edi-riadevigo.wikispaces.com/Nadal

Festival de Nadal 2011

2011-12-12T08:59:00.002+01:00

Xa temos aquí o Nadal!!!... coma todos os anos ven cargado de bos desexos, ilusións e un novo ano que comezará dentro de pouco e que virá cheo de novas e diferentes actividades.

ACTIVIDADES PROGRAMADAS COA CHEGADA DO NADAL E A FINALIZACIÓN DO PRIMEIRO TRIMESTRE

LUNS, 19 DE DECEMBRO

FESTA DE NADAL DE EDUCACIÓN INFANTIL E 1º CICLO DE EDUCACIÓN PRIMARIA

HORA: 13:00 h.

- 4º de educación infantil: "Mi burrito sabanero"-Canción

- 5º e 6º de educación infantil: "El mejor tesoro"-Canción

- 5º e 6º de educación infantil: "Twist"-Baile

- 1º de educación primaria: "América"-Canción/Baile

- 2º de educación primaria: "Menos galdrumadas e máis Nadal"-Sombras corporais

MARTES, 20 DE DECEMBRO

FESTA DE NADAL DE 2º E 3º CICLO DE EDUCACIÓN PRIMARIA

HORA: 13:00 h.

- 3º B de educación primaria: "Frederik"-Dramatización

- 4º de educación primaria: "Estrellita de los Reyes Magos"-Canción

- 6º de educación primaria: "Go bananas"-Conx. Instrumental

- 3º A de educación primaria: "Cando Martiño tivo ganas de mexar a noite de Reis"-Teatro

- 5º de educación primaria: "Non hai tempo que perder"-Luz negra

Os días 19 e 20, a apertura do centro para a entrada de público á festa será ás 12:45 h. Os servizos de transporte e comedor escolar funcionarán en condicións e horarios habituais.

Para mellor aproveitamento das actividades presentadas, AS FAMILIAS SOMENTES PODERÁN ASISTIR AOS ACTOS O DÍA EN QUE ACTÚEN AS SÚAS FILLAS/FILLOS.

Como sempre, e por respecto ao traballo realizado polo profesorado e, sobre todo, polas nenas e nenos do colexio, lémbrase a necesidade de manter o máximo silencio durante as funcións. Así mesmo, lémbrase que non se pode facer uso das portas de entrada ao ximnasio durante as funcións, e que non se pode ocupar a zona acotada para o alumnado.

A ANPA vai realizar unha reportaxe fotográfica que, posteriormente, vai estar a disposición de todos vostedes.

MÉRCORES, 21 DE DECEMBRO

En horario por definir e coa colaboración da ANPA do colexio, teremos a visita do Rei Melchor, realizaremos unha chocolatada e asistiremos á función de teatro da compañía "MaloSerá" (formada por mamás e papás do colexio) co seu espectáculo "Fedellos". AS ACTIVIDADES DESTE DÍA ESTÁN DESTINADAS EXCLUSIVAMENTE AO ALUMNADO.

Preparando o Nadal

2011-12-12T08:30:00.000+01:00

Nova actividade para o Edi, nesta ocasión dirixida aos máis pequenos do colexio. A partires de actividades breves e sinxelas, nos divertiremos coa festa do Nadal.

Coma sempre, xa sabes que podes descargar a actividade, premendo na imaxe ou no enderezo que aparece debaixo... adiante!!!

http://edi-riadevigo.wikispaces.com/Nadal

Busca ao diferente no Nadal

2011-12-09T08:30:00.000+01:00

Nova actividade para o EDI (Encerado Dixital Interactivo) esta vez enmarcada dentro do Nadal. Os nenos e nenas teran que atopar a imaxe diferente dun total de 6 que aparecerán na pantalla.

Podes descargar a actividade premendo na imaxe ou no enderezo que aparece debaixo.

http://edi-riadevigo.wikispaces.com/Nadal

Traballamos co cadro "El Hortelano" do artista Arcimboldo

2011-11-30T14:02:00.001+01:00

Aquí vos deixamos unha nova actividade para a pizarra máxica; nesta ocasión, enfocada á arte e ao traballo de "aprender a pensar" e "aprender a mirar".

O cadro co que nos divertimos é, nesta ocasión, o titulado "El hortelano" do artista Arcimboldo.

Que pode agacharse debaixo desa sombra negra?, que miramos?, que pode ser?, é un home?, é un frutero?... son distintas preguntas que xurdirán na realización das fichas e que o alumnado debe resolver.

Podedes descargar a actividade premendo na imaxe que aparece debaixo ou no enderezo web.

http://edi-riadevigo.wikispaces.com/Xogamos+coa+arte

Facemos unha careta da castañera

2011-11-29T12:45:00.000+01:00

Aquí vos deixamos unha manualidade moi divertida para esta época do ano:

UNHA CARETA DE CASTAÑERA.

En primeiro lugar, descubrimos no blogue http://piruletacolorines.blogspot.com/ o debuxo dunha castañera que nos pareceu moi divertida

http://piruletacolorines.blogspot.com/2010/11/recibimos-la-segunda-carta-de-la.html

O primeiro que fixemos foi "picar" os ollos da castañera; unha vez picados, puxemos un papel celofán de cor azul por detrás.

Posteriormente, coloreamos a cara de cor "carne" e o pano de cor vermello.

Unha vez coloreado, podemos darlle ao debuxo un pouco de textura pegando papeis de cor vermello sobre o pano.

A continuación, fixemos lazos con papel pinocho vermello que lle pegamos onde ata o pano.

Quedou moi chulo, verdade??

Recursos para o Nadal

2011-11-29T08:00:00.001+01:00

Grazas á Coordinadora Galega de Equipos de Normalización e Dinamización Lingüística podemos disfrutar de milleiros de recursos para traballar o Nadal, que xa o temos á volta da esquina.

Poderedes acceder aos recursos premendo na imaxe ou na ligazón que aparece debaixo.

http://www.coordinadoraendl.org/nadal2011/recursos/index.php?ancho=1280&alto=800

Por outro lado, poderedes descargar e imprimir as cartas aos Reis Magos premendo nas ligazóns que aparecen debaixo.

CARTA CON TEXTO

CARTA SEN TEXTO

25 de novembro: Día Internacional da Eliminación da Violencia contra a Muller

2011-11-28T19:52:00.001+01:00

O pasado venres, 25 de novembro, conmemoramos na escola o Día Internacional da Eliminación da Violencia contra a Muller.

Este ano, nas aulas de educación infantil elaboramos uns murais titulados "PODO SER O QUE QUEIRA" en relación á actividade proposta dende o sindicato STEG.

(aquí vos deixamos a ligazón das diferentes actividades e onde poderedes atopar a que levamos a cabo o venres

http://www.stegsindicato.org/UserFiles/Files/pdfs/muller/25_novembro/2011/Primaria.pdf)

Fixemos unha asamblea co alumnado onde falamos dos diferentes oficios, que persoa pode realizar determinadas profesións, ... presentando diferentes "traxes" dos oficios pero sen o debuxo da cara.

Cada un dos nenos e nenas colleu a súa foto e a colocou xunto co traxe da profesión elixida, recalcando en todo momento que a poderían realizar tanto homes coma mulleres.

Con todas esas imaxes, realizamos un mural por aula titulado PODO SER O QUE QUEIRA e onde queda constancia que cada un pode escoller libremente o oficio que quere desenvolver nun futuro, pero sen diferencias de xénero nin discriminacións.

Por outro lado, lembramos o conto titulado "Mis abuelos" do libro "Pepe y Felisa" e realizamos xogos cooperativos onde os bicos e as apertas foron os protagonistas.

Ata a próxima!!!

Actividades para celebrar o Día Internacional da Eliminación da Violencia contra a Muller (I)

2011-11-23T11:51:00.001+01:00

O vindeiro venres, 25 de novembro, se conmemora o Día Internacional da Eliminación da Violencia contra a Muller

Dende as aulas de educación infantil, estamos a traballar este tema (sempre adaptado á nosa idade) e queremos facer unha recomendación e compartir experiencias cos nosos lectores e lectoras.

Unha das lecturas que vos recomendamos é un conto que atopamos no libro titulado "Pepe y Felisa"

Filosofía para nenos. PEPE Y FELISA. Aprender a pensar.

Autora: María Palmero Cremades

Editorial: Rústica

ISBN: 978-84-922009-3-1

Sinopse: o libro preséntase como un conxunto de narracións curtas sobre situacións rutinarias que invitan ao aprendizaxe cognitivo, ao razonamento e á expresión en grupo, aplicando a metodoloxía de Lipman. Conta cunha Guía do Mestre con suxerencias de temas, plans de discusións e actividades para cada un dos capítulos.

O Capítulo que narramos é o número 2, titulado "Mis abuelos" e traballamos con preguntas relativas ás demostracións de afecto: bicos e apertas.

Algunhas preguntas en relación ao conto poden ser: Cando podemos dar bicos e apertas ás persoas?, Gústache dar bicos e apertas?, A cales persoas bicas e abrazas normalmente?, Podemos dar bicos e apertas aos animais?,...

Outra das recomendacións "lectoras" pode ser o conto "Unha manchea de bicos" da Editorial Xerais.

UNHA MANCHEA DE BICOS

Autora: Antonia Ródenas

Ilustradora: Carme Solé Vendrell

Editorial: Xerais

ISBN: 978-84-8302-681-6

Sinopse: Kati, a protagonista desta historia, ten unha caixa chea de bicos que vai regalando a todos os compañeiros. Desta maneira fai que se sintan felices. Pero Diego chámalles parvos, empúxaos, colle o que quere sen mirar quen o ten... Aínda así, a ledicia dos demais compartindo bicos de todos os sabores fai que se sinta só e acabará pedindo perdón e dando tamén bicos de caramelo. Daquela a mestra xa non estará enfadada e contaralles unha desas historias longas, como ela fai cando están caladiños.

A sinopse do conto atopámola do libro "Medrando sans. De sentimento en sentimento... de emoción en emoción", publicado pola Xunta de Galicia.

Neste libro poderedes atopar orientacións e actividades prácticas para traballar na aula sobre o conto do que vos falamos.

Canto sabemos do Outono!!! Nova actividade para o Encerado Dixital

2011-11-21T08:00:00.001+01:00

Como xa vos contamos dende fai un tempo, na aula de 3 anos do colexio estamos a traballar co Outono. Esta actividade que aquí vos presentamos a podemos considerar coma un "repaso" de todos os contidos traballados: tipos de árbores segundo a súa folla (perenne ou caduca), tipos de froitos (secos ou carnosos), festas celebradas na escola (Magosto e Samaín),...

Agardamos que vos guste.

Para poder descargar a actividade, soamente tes que premer no enderezo que aparece abaixo ou na imaxe da actividade.

http://edi-riadevigo.wikispaces.com/Estaci%C3%B3ns+do+ano

Nova imaxe do blogue

2011-11-19T13:43:00.000+01:00

Como xa poderedes observar, o noso blogue fixo un "lavado" da súa imaxe e agora se presenta cunha nova cabeceira e novos contidos.

Co motivo da chegada ás 10.000 (GRAZAS A TODOS E TODAS POLAS VOSAS VISTAS!!!)

visitas fixemos unha serie de cambios e novas neste blogue.

Engadimos unhas novas pestañas na parte inferior da cabeceira para facilitar o acceso a páxina web do cole así como aos portais onde se recollen diferentes actividades dirixidas á pizarra máxica álbumes Picasa, actividades LIM,...

Agardamos que vos guste e esperamos os vosos comentarios.

Actividade para o EDI: "Pensa que ves" (Xogando con ARCIMBOLDO)

2011-11-16T08:00:00.000+01:00

Xa podedes acceder a unha nova actividade para o Encerado Dixital Interactivo (EDI) ou "pizarra máxica".

Esta vez, vos presentamos unha actividade dirixida ao alumnado de educación infantil (tamén ao de primaria) onde traballamos cun cadro do artista Arcimboldo, concretamente con este:

"O outono"_1573_Museo do Louvre (París)

A actividade está dirixida a traballar APRENDENDO A PENSAR polo que a imaxe do cadro non se amosa na súa totalidade senón que, pouco a pouco, o alumnado vai mirando un anaquiño da imaxe e teñen que pensar que podería ser iso que se amosa.
Ao prensentar o cadro deste xeito, creamos un momento de intriga e despertamos a curiosidade. Formulamos diferentes preguntas: que ves?, que cores ves?, onde podería estar iso que miras?,...
Aquí vos deixamos unha mostra do que eles ven e que poderedes atopar ao descargar a actividade.

Para acceder á actividade e poder xogar con ela, podes dirixirte á Wiki do noso cole onde as temos almacenadas (preme no enderezo web ou na imaxe da portada da actividade e accederás á páxina onde está aloxada)

http://edi-riadevigo.wikispaces.com/Estaci%C3%B3ns+do+ano

Que será?... utilizando os sentidos no Outono.

2011-11-15T08:00:00.000+01:00

O alumnado de 4º de educación infantil (3 anos) estivo a traballar no seu proxecto sobre o Outono dunha forma moi especial: con ollos pechados; tocamos, olfateamos, escoitamos, degustamos pero non puidemos ver ata o final o que estabamos a sentir.

O alumnado estaba moi atento ao que ía suceder...

A mestra Lorena tiña unha bolsa nas súas mans e, dentro dela, había varios froitos do outono. Este podían ser secos ou carnosos pero, como o saberiamos se tiñamos os ollos pechados?... pois utilizando o resto dos sentidos e, moi importante, describindo o que estabamos a sentir: é duro?, suave ou áspero?, grande ou pequeno?, ten olor?, como sabe?,...

Estes son algúns dos froitos que había na bolsa.

Recomendamos realizar actividades deste tipo na escola; axudan a desenvolver outros sentidos que, polo xeral, non traballamos tanto como a vista.

Por outro lado, é moi bo porque aprenden a describir, a facer comparacións (grande coma que?, pequeno coma...?,), atrévense a probar sen mirar, a saborear, a tocar,... unha experiencia totalmente recomendable.

Degustación do outono

2011-11-14T08:00:00.003+01:00

O pasado venres, 11 de novembro, realizamos na escola unha degustación de productos de outono.

O primeiro que temos que dicir é GRAZAS FAMILIAS; como cada vez que facemos esta actividade, a colaboración é fantástica!!!

Este ano, os nenos e nenas de 4 e 5 anos foron os encargados de invitar ao alumnado de 3 anos a degustar productos e postres típicos da estación do ano na que nos atopamos.

Todos os alimentos que trouxeron viñan acompañados dunha nota informativa onde se amosaba o nome do neno ou nena, o nome do alimento que trouxeran e un debuxo do mesmo.

Aquí vos deixamos unha pequena mostra:

Os nenos e nenas de 4 e 5 anos explicaban aos seus compañeiros o alimento ou postre que trouxeran.

E o importante: DEGUSTAR!!! e probar.

El oso miedoso

2011-11-07T08:00:00.003+01:00

A semana pasada, comentabamos neste blogue a importancia de traballar o sentimento de medo. Aproveitamos a festa do Samaín para ler contos destinados a superar esta emoción.

Podedes lembrar o artigo titulado CELEBRAMOS O SAMAÍN premendo no título do mesmo e, dende o blogue da BiblioRía, poderedes acceder a máis información sobre os libros traballados na entrada titulada CONTOS PARA TRABALLAR O MEDO.

Unha das lecturas traballadas e que non figuraba nesa lista de libros foi "El oso miedoso" e grazas a un dos milleiros álbumes picasa atopados na rede, a podemos compartir con vós.

Fonte das imaxes: https://picasaweb.google.com/niepam/CuentosDeEducacionEmocional4Anos#

(dende este álbum picasa, poderedes atopar máis lecturas sobre educación emocional)

Celebramos o Magosto

2011-11-04T20:30:00.001+01:00

Hoxe, 4 de novembro, celebramos na escola o tradicional Magosto.

Días antes desta celebración, estivemos a traballar nas aulas, elaborando as cestiñas onde levariamos as castañas.

Para iso, e contando coa colaboración das familias, o alumnado trouxo á aula un cartón de leite, cortado pola metade.

Este cartón decorámolo con anacos de papeis de diferentes cores; para isto, necesitamos os anacos de papel, cola branca diluída en auga e pinceis.

Colocamos os papeis sobre o cartón e pegamos os mesmos coa cola e o pincel.

Deixámolos secar e, posteriormente, lles pegamos uns debuxos de castañas, previamente coloreados polos nenos e nenas. Tamén necesitamos unha asa para poder levalos ao patio.

Aquí tedes o resultado que agardamos que vos guste.

Hoxe, celebramos o Magosto na escola e baixamos ao patio coas nosas cestas, comimos castañas, bailamos e o pasamos moi ben. Aquí vos deixamos con algunhas imaxes da celebración.

Facemos arañas con galletas Oreo e regalices

2011-11-04T20:20:00.001+01:00

Como ben aparece no título desta entrada, nas aulas de infantil estivemos a facer unha saborosas arañas, utilizando galletas Oreo e regalices.

O primeiro que temos que facer é preparar os materiais necesarios, é dicir, precisamos separar as dúas partes das galletas e, por outro lado, cortar en pequenos anacos as regalices.

Recomendación: pode ser que, ao abrir as galletas, rompan en anaquiños, tal e como aparece na imaxe que tedes debaixo. Para que non pasen estas cousillas, pensamos nunhas suxerencias.

Por un lado, utilizar un coitelo para separar as partes; por outro, quentar un pouquiño as galletas para que estean máis brandas e así "despeguen" ben.

Unha vez que teñamos feitos estes pasos, os nenos e nenas xa poden colocar as patas ás arañas, é dicir, colocar os anacos de regaliz sobre a nata das galletas e, posteriormente, tapar a mesma coa outra parte.

Pouco a pouco, iremos conseguindo as nosas saborosas arañas!!!

Dende aquí, vos animamos a desenvolver esta actividade nas casas e compartir cos vosos fillos, netos,... unha xornada "tenebrosa" e "culinaria".

Aquí vos deixamos un vídeo atopado na rede que explica, paso a paso, o procedemento... ADIANTE!!!

Celebramos o SAMAÍN

2011-11-03T18:12:00.002+01:00

TEMPO DE SAMAÍN NAS AULAS DE EDUCACIÓN INFANTIL

Como todos os anos por estas datas, a celebración do Samaín é unha actividade que lles gusta moito a grandes e pequenos (bueno, a algúns non tanto... pero logran vencer os seus medos)

Dende as aulas de educación infantil do cole, decidimos traballar esta emoción dunha maneira lúdica e divertida.

Así, durante todos estes días de outubro-novembro, estivemos a ler e traballar nas aulas diferentes contos relacionados co sentimento de medo.

Algunhas lecturas recomendadas son as seguintes:

A MIÑA AMIGA A ESCURIDADE. Ella Burfoot. Baía Edicions.

(Mentres María xoga, a escuridade entra a través da ventá do seu cuarto. María non se asusta e xuntas pasan boa parte da noite xogando e bailando. Esta historia presenta a escuridade como amiga das nenas e os nenos)

MONSTRUOS DIVERTIDOS. VV.AA., EDICIONES SM, 2000

(Con este libro de rimas, o neno aprenderá que non hai que ter medo aos monstruos. En cada páxina se inclúen ilustracións sorpresa coas que o neno se divertirá)

GATO GUILLE E OS MONSTRUOS. Rocío Martínez. Kalandraka. 2000

(Na casa de Guille escóitanse uns sons un tanto raros e ata a súa propia nai está asustada. Pero Guille atopa a fórmula para desenmascarar os medos)

Outra das actividades que levamos a cabo foi a seguinte:

Como sabemos que todas esas "cousiñas" que nos dan medo son divertidas, podemos xogar e disfrutar con elas... podemos convertirnos nos magos, meigas, esqueletes, cabazas,... aos que tememos e descubrir, pensando e xogando, que non temos tanto medo como pensamos.

SESIÓN DO MÉRCORES, 2 DE NOVEMBRO DE 2011

Na sesión de onte, decidimos facer o primeiro paso da pócima do Samaín; participou todo o alumnado de educación infantil.

O primeiro que fixemos foi coller uns recipientes onde podiamos remexer, os sobres que conteñen a sangue das meigas, a sange dos morcegos, etc. e utilizar as nosas palabras máxicas.

Ao xuntar os polvos máxicos, a auga e as palabras máxicas, conseguimos o que precisamos!!!

... as babas dos monstruos...

... ou o sangue das meigas.

A poción necesita "descansar" ata mañá na nevera, polo que a deixamos nese lugar e agardamos ata o día seguinte.

SESIÓN DO XOVES, 3 DE NOVEMBRO DE 2011

Chega o esperado día.

Como ben dictan as normas para facer o conxuro, é necesario que todos viñamos vestidos con traxes de medo, linternas e cabazas mostruosas.

Aquí tedes ao alumnado de 3 anos... tenebrosoooo!!!

E aquí ao de 4 anos... vaia medoooo!!!

... e os de 5 anos estaban monstruosos!!!

Despois de retomar nas aulas a lectura dos contos xa contados noutras sesións, decidimos baixar á aula de música, decorada coas cabazas aportadas polas familias.

Ao entrar na aula, atopámonos con estes simpáticos monstruos que puidemos tocar... eran suaves, suaves!!!

Todo estaba a escuras, polo que utilizamos as nosas linternas; alumeamos todo o que estaba ao noso arredor: cabazas, meigas, esqueletes... pero non tiñamos medo!!!... todo era moi divertido!!!

A mestra Lorena tamén estaba convertida nunha meiga e nos contou o conto "Guille e os monstruos" co que pasamos un momento moi "tenebroso"... escoitamos todos os ruidos que Guille escoitaba na súa casa pero entendimos, igual co protagonista, que son sons normais que acontecen as veces nas nosas casas, nas aulas,...

Ao rematar a lectura do conto, decidimos seguir coa elaboración da pócima. As "babas", o "sangue",... quedarán conxelados polo que abrandamos un pouco a pócima coa axuda duns garfos.

As meigas tamén nos deixaron un bote sorpresa no que puidemos atopar gusanos, cerebros, ... e os botamos na pócima.

Que ben o estabamos a pasar facendo cousiñas de medo!!!... que mellor que degustar a pócima para rematar de pasar un bo momento.

... estaba boísima!!!

A verdade é que foi unha xornada moi divertida e amena onde o medo ás meigas, aos esqueletes, á escuridade,... non existíu. ATA A PRÓXIMA.

Día das Bibliotecas Escolares

2011-11-02T08:00:00.002+01:00

O venres, 28 de outubro, celebramos na BiblioRía o Día das Biblioteca Escolares.

Aquí vos amosamos o programa deste día; como vedes, os nenos e nenas de infantil fomos os primeiros en disfrutar das novas deste espazo escolar que tanto nos gusta.

Este ano, a BiblioRía quere celebrar o 100 aniversario do afundimento do Titanic e, por iso, plantexa este proxecto titulado:

"SUBAN A BORDO, LEAN E NAVEGUEN"

Nos exteriores da BiblioRía, nos atopamos cuns enormes barcos que decoran as dúas entradas á mesma, así como coas cintas-cortinas alusivas ao tema central, elaboradas polos nenos e nenas do colexio.

Nada máis chegar á escola, o alumnado puxo o mandilón e se colocou nas correspondentes filas para entrar de forma ordenada á BiblioRía... fomos os primeiros en descubrir a cantidade de novas que Gaspar nos tiña preparadas!!!

O primeiro co que nos atopamos foi cunha mostra de libros variados e relacionados co tema a conmemorar. Alí estaba Gaspar, vestido co seu gorro de capitán de barco e agardando por nós.

Todos estivemos moi pendentes das explicacións de Gaspar e da nosa coordinadora da BiblioRía, a mestra Ángeles.

Así, nos lembraron as normas, os espazos destinados á literatura dirixida á nosa idade, os días do préstamo, o funcionamento das mochilas viaxeiras, etc.

Contemplamos a exposición, os diferentes libros, miramos as súas cubertas, ...

Unha vez rematada esta parte da visita, comezamos coa outra: a presentación da Formación de Usuarios da BiblioRía.

Este ano, contamos cunhas actividades nas que se traballan diferentes aspectos do funcionamento da biblioteca escolar de forma dixital e interactiva.

(para as poder descargar, preme na seguinte ligazón e accede á Wiki do colexio onde están aloxadas:

http://edi-riadevigo.wikispaces.com/A+BiblioR%C3%ADa+de+Gaspar))

Da man da nosa mestra Paula, puidemos coñecer un pouquiño o contido das mesmas e disfrutar da pizarra dixital coa que contamos na BiblioRía.

Agora, cando baixemos á biblioteca coa nosa mestra, poderemos traballar con elas e seguir aprendendo.

Xa para rematar, se lles entregou ás mestras uns preciosos marcapáxinas, elaborados por Ángeles, Geli e Begoña, e ao alumnado unhas saborosas gominolas coa forma do golfiño Gaspar.

Agora, soamente temos ganas de voltar á BiblioRía, comezar os préstamos, a peregrinaxe das mochilas viaxeiras e as variadas actividades e sorpresas que este espazo nos ten preparadas.

Todas estas actividades as levamos a cabo entre as 09:30 e as 10:20.

Cando tocaron as 12:30 horas da mañá, se procedeu á entrega e saída das mochilas viaxeiras.

Un representante de cada aula do colexio foi o encargado de recibir a mochila correspondente e iniciar, esa mesma mañá, a peregrinaxe da mesma.

Dende infantil, tiñamos aos tres representantes elixidos: Hugo, da aula de 3 anos, Alan, da aula de 4 anos e Carla, da aula de 5 anos.

Unha xornada moi divertida e chea de novas.

Estade moi pendentes ao blogue xa que, dende aquí, vos iremos contando as diferentes novas e actividades realizadas.

Por outro lado, podes visitar o blogue da BiblioRía (preme na ligazón que aparece debaixo)

http://edi-riadevigo.wikispaces.com/A+BiblioR%C3%ADa+de+Gaspar

Mmm... froita fresca!!!

2011-11-01T14:45:00.001+01:00

CAMPAÑA DE DISTRIBUCIÓN DE FROITA FRESCA

FONDO GALEGO DE GARANTÍA AGRARIA

Fai dúas semanas (do 17 ao 21 de outubro) participamos na "Campaña de distribución de froita fresca" convocada polo Fondo Galego de Garantía Agraria.

Cada día na hora do patio-merenda os nenos, nenas, mestres e mestras da escola comimos froita fresca; a distribución da mesma foi a seguinte:

1. O LUNS degustamos unha saborosa MAZÁ.

2. Os nenos e nenas de Educación Primaria eran os encargados de repartir a froita polas aulas de infantil. Así o MARTES comimos PLÁTANOS.

3. O MÉRCORES tocou unha PERA CONFERENCIA.

4. Xa o XOVES chegaron as UVAS as aulas.

5. E, o VENRES, unhas saborosísimas MANDARINAS.

... pasámolo SABOROSAMENTE BEN!!!

Por outro lado, os nenos e nenas de 3 anos estamos a traballar o Outono nas aulas; por iso, aproveitamos esa semana e a seguinte disfrutamos cos FROITOS CARNOSOS e os FROITOS SECOS.

Despois de degustar toda a variedade de froita fresca e carnosa durante a semana do 17 ao 21, a semana seguinte decidimos saborear froitos carnosos antes da nosa merenda habitual.

Probamos as noces, os cacahuetes e as abelás... boísimosssssss!!!

Volta ás aulas o mércores, 2 de novembro

2011-10-28T08:30:00.001+02:00

ATENCIÓN ÁS FAMILIAS

LEMBRAMOS A TODAS AS FAMILIAS QUE A INCORPORACIÓN ÁS AULAS SERÁ O VINDEIRO

MÉRCORES, 2 DE NOVEMBRO

Consulta o Calendario Lectivo do colexio durante o Curso 2011/2012 no seguinte enderezo: http://www.edu.xunta.es/centros/ceipriadevigo/category/2/67

10.000 VISITAS

2011-10-27T08:56:00.000+02:00

Como sempre, unicamente podemos dicir MOITAS GRAZAS!!!

Tempo de Samaín

2011-10-25T08:30:00.000+02:00

Como todos os anos por estas datas chega o Samaín. Historias de medo, lendas e cabazas son as protagonistas desta celebración de orixe celta.

Para xogar e divertirnos, imos lembras as dúas actividades LIM realizadas durante o curso pasado e coas que poderedes traballar vocabulario sobre o tema.

(podes xogar en pantalla completa, premendo no botón superior de dereita con forma de cadro)

Libro colaborativo LIM sobre o Samaín

Por outro lado, na páxina web do colexio

http://www.edu.xunta.es/centros/ceipriadevigo/

poderedes atopar milleiros de recursos na rede para traballar o Samaín. Aquí vai a ligazón (para acceder a ela, preme no enderezo)

http://www.edu.xunta.es/centros/ceipriadevigo/node/115

Traballamos co número 1

2011-10-24T08:30:00.001+02:00

"Traballamos co número 1" é o título dunha nova actividade para a "Pizarra Máxica" (Encerado Dixital Interactivo).

Coma sempre, a poderedes descargar sen problema. Accede á Wiki do cole onde as temos almacenadas e descarga o que necesites.

Ata a próxima.

(preme no debuxo ou na ligazón que aparece debaixo del)

http://edi-riadevigo.wikispaces.com/numeros

Actividade LIM: "Jugamos con los colores"

2011-10-16T00:35:00.001+02:00

Xa podedes xogar con esta actividade LIM sobre as cores.

Lembrade que, para poder xogar en pantalla completa, tedes que premer no recadro que aparece na parte superior dereita do xogo.

Canción: Jugamos con los colores

2011-10-15T12:11:00.000+02:00

Aquí vos presentamos este vídeo elaborado pola nosa mestra Paula e que nos servirá de axuda para traballar as cores.

Poderedes atopar a versión orixinal do vídeo na seguinte ligazón:

http://www.youtube.com/watch?v=bWJgKL2hK9A

e tamén poderedes atopar outras versións na rede como a seguinte:

http://www.youtube.com/watch?v=q0sqMxceh2Q

Actividade para o EDI: "BUSCA EL COLOR"

2011-10-15T10:12:00.001+02:00

Esta actividade consiste en atopar a cor que se indica. A dificultade do xogo vai aumentando a medida que imos avanzando. Nun primeiro momento, se presentan dous círculos de cor diferente e teñen que tocar a indicada. Posteriormente, aparecerán 3, 4, 5 e 6 círculos e deberán atopar a cor que se manda entre os demáis.

Todas as follas teñen son e son autocorrixibles, é dicir, cada vez que tocan na cor correcta escoitarán "Muy bien, has acertado" e, cando non acertan, escoitan "No, no, inténtalo de nuevo".

Para descargar a actividade, podes premer no debuxo superior ou na ligazón que aparece debaixo.

http://edi-riadevigo.wikispaces.com/Cores

Nova actividade para o EDI: "Las hojas del árbol"

2011-10-12T17:20:00.000+02:00

Aquí vos deixamos a ligazón para poder descargar unha nova actividade para xogar co EDI (Encerado Dixital Interactivo) titulada "Las hojas del árbol"

A través dela, poderemos traballar a grafomotricidade vertical e horizontal así como clasificar e identificar as cores das follas do outono (verdes, amarelas, vermellas, laranxas e marróns).

Fundamentalmente, está dirixida ao alumnado de 4º de Educación Infantil (3 anos) aínda que todos os niveis poidan traballar con ela.

Preme no debuxo para acceder á nosa Wiki onde temos almacenadas todas as actividades para a "pizarra máxica".

http://edi-riadevigo.wikispaces.com/Estaci%C3%B3ns+do+ano

Celebramos o 12 de Outubro

2011-10-11T15:20:00.000+02:00

Mañá, mércores 12 de Outubro, se celebra o Día da Hispanidade no que se conmemora o Descubrimento de América por parte de Colón.

Aquí vos deixamos con esta divertida canción para celebralo; agardamos que vos guste.

En 5 anos... traballamos os números dunha forma moi divertida!!!

2011-10-10T21:31:00.000+02:00

Que ben o pasamos na aula de 5 anos e a cousa é que... os números son moi divertidos!!!... e tanto que si!!!

A partires de cousas ben coñecidas por nós e cotidianas descubrimos que... os números andan por todas as partes!!!

Así, entre todo o alumnado da aula, decidimos investigar onde podemos atopar os números; o primeiro lugar onde decidimos buscar foi nos nosos zapatos... cada un de nós ten unha talla no mesmo que indica a medida dos seus pés e que nos axuda cando imos mercar un par novo non si??
Pois iso é o que estamos a facer na aula... cada un de nós ten que descubrir cal é a súa talla do zapato.

Axudámosnos entre todos e todas...

... e tamén o anotamos nunha folla de rexistro onde escribimos todas as tallas.

Facemos gráficas cos resultados.

E, como non, as nosas investigacións nos levan a deducir e entender diferentes conceptos.

Xogamos a facer gráficas.

Como nos gusta aprender así!!!

Atopa ao diferente. Xogamos no Outono (Actividade para a pizarra máxica)

2011-10-03T08:52:00.000+02:00

Xa está dispoñible no noso espazo web adicado ás actividades para a "pizarra máxica" un novo arquivo chamado:

•ATOPA AO DIFERENTE. XOGAMOS NO OUTONO (Educación Infantil)

Consiste nun sinxelo xogo, orientado ao alumnado de tres anos, no que os nenos e nenas deben localizar a imaxe diferente das seis que se presentan en cada pantalla; así, traballamos a atención con eles ao mesmo tempo que se divirten xogando co EDI (Encerado Dixital Interactivo).

Para proceder a súa descargar, soamente tes que premer no enderezo que aparece abaixo; lembra que para poder visualizar o arquivo tes que ter instalado no teu ordenador o Software correspondente para a pizarra.

http://edi-riadevigo.wikispaces.com/Estaci%C3%B3ns+do+ano

Actividades conceptos 3 anos 1º trimestre

2011-09-30T20:47:00.000+02:00

Aquí vos deixamos a ligazón para descargar actividades relacionadas cos conceptos a traballar nas aulas de 3 anos durante o primeiro trimestre do curso.

https://picasaweb.google.com/104924940840955327392/Conceptos3Anos1Trimestre#

A maioría delas están relacionadas co tema do outono xa que, durante estes primeiros meses, realizamos co alumnado un pequeno proxecto sobre este tema.

Aquí vos deixamos unha mostra das fichas de aula.

Novas actividades sobre formas

2011-09-30T20:42:00.002+02:00

Xa podedes disfrutar con novas actividades sobre formas recollidas nos Álbumes Picasa de Educación Infantil do noso colexio.

Aquí vos deixamos unha mostra así como a ligazón para acceder á totalidade.

Para acceder ao Álbum Picasa con máis actividades sobre formas, preme no enderezo que aparece debaixo.

https://picasaweb.google.com/104924940840955327392/ActividadesFormasXeometricas#

Para acceder aos Álbumes Picasa de Educación Infantil preme na ligazón de abaixo.

https://picasaweb.google.com/104924940840955327392

Novas fichas para traballar o número 1

2011-09-29T09:10:00.001+02:00

Os Álbumes Picasa cos que contamos en Educación Infantil están en continua actualización; xa podemos compartir con todos os nosos usuarios novas actividades para traballar o número 1, todas elas relacionadas coa estación na que nos atopamos: o Outono.

Aquí vos deixamos unha pequena mostra así como a ligazón para acceder ao álbum e descargar todo o que necesitedes.

Para acceder ao Álbum Picasa con máis actividades sobre o número 1, preme no enderezo que aparece debaixo.

https://picasaweb.google.com/104924940840955327392/ActividadesN1#

Para acceder aos Álbumes Picasa de Educación Infantil preme na ligazón de abaixo.
https://picasaweb.google.com/104924940840955327392

Rutinas Dixitais para Educación Infantil

2011-09-28T00:00:00.000+02:00

Aquí vos amosamos as "tradicionais" rutinas levadas a cabo en Educación Infantil... son "as de toda a vida" pero un pouco "modernizadas" xa que agora as poderemos levar a cabo dunha forma dixital.

Aquí vos deixamos a ligazón para a súa descarga e agardamos que vos gusten como lles gustan ao alumnado.

DESCARGAR RUTINAS DIXITAIS PARA EDUCACIÓN INFATIL

MOITAS GRAZAS!!!

2011-09-27T09:09:00.001+02:00

En breves, "colgaremos" moitas novas neste blogue: actividades para o EDI, rutinas, fichas de traballo e moitas cousas máis.

Estade atentos/as.

Benvid@s de novo

2011-09-01T12:12:00.000+02:00

Xa estamos de volta e, como todos os días 1 de setembro, temos moitas novas no cole que vos contaremos pouco a pouco así que estade moi atentos e atentas ao noso blogue!!!

Fotos da Festa de Fin de Curso

2011-06-27T09:25:00.001+02:00

Xa podedes acceder ás imaxes da Festa de Fin de Curso que se celebrou o pasado mércores, 22 de xuño de 2011.

Grazas o Anpa, poderedes descargar a foto do voso fillo, filla, familiar,... soamente tedes que acceder ao seu Álbum Picasa onde teñen aloxadas a máis de 300 fotos da festa.

Aquí vos deixamos o enlace:

BLOGUE DO ANPA:

http://anpaceipriadevigo.blogspot.com/

ÁLBUM ONDE ESTÁN ALOXADAS AS IMAXES DA FESTA: https://picasaweb.google.com/ampariadevigo/FinDeCurso2011?authkey=Gv1sRgCKWHpreJlJLxdw#

Portavelas elaborado polo alumnado de 4 anos

2011-06-22T09:32:00.000+02:00

Durante estes últimos días de xuño, os nenos e nenas de 4 anos estiveron a elaborar un portavelas moi chulo co cal agasallaron ás súas familias e os empaquetaron dentro destas bolsiñas tan "discretas"

Os portavelas os fixemos con vasos de cristal de iogur aos que lles pegamos papeis de seda de cores. Por enriba, e para fixar ben os papeliños, botamos un pegamento especial da marca Jovi xa que coa cola branca "de toda a vida" non pegaban ben.

Para rematalos, unha vela dentro do vaso e un pouco de cinta de agasallos e lana para decorar a parte superior.

Quedaron chulísimos verdade???

MOITÍSIMAS GRAZAS!!!

2011-06-16T14:17:00.002+02:00

Menuda boa sorpresa no Fin de Curso...

A auga 4 anos

2011-06-16T09:07:00.000+02:00

Aquí vos deixamos o resultado das nosas investigacións e traballos sobre a auga... agardamos que vos guste e, xa sabedes, se queredes ver o traballo con máis detemento, podedes premer nun dos enlaces que tedes debaixo.

Enlace ao Álbum Picasa da Auga: https://picasaweb.google.com/colaboracoawebdocole/AAuga4Anos#

Enlace ás Galería de Imaxes da páxina web do cole:

http://www.edu.xunta.es/centros/ceipriadevigo/galeria/thumbnails.php?album=172

Por outro lado, para rememorar o que foi a realización, motivación e experimentación sobre o tema da auga, podes ver as entradas anteriores feitas no blogue e relacionadas co tema premendo na palabra "auga" que aparece abaixo.

AUGA

Agasallo para celebrar o Día Internacional das Familias

2011-06-15T09:48:00.000+02:00

O pasado día 15 de maio, se conmemorou o "Día Internacional das Familias" e, a partires desta data, os nenos e nenas de educación infantil de 4 e 5 anos, decidiron elaborar un agasallo para as mesmas.

Así, puxéronse mans á obra e fixeron un pequeno "corcho" para as notas así como unha flor con diferentes mensaxes.

Aquí vos deixamos o resultado en imaxes:

Un conto, un cadro: Carapuchiña Vermella.

2011-06-15T09:39:00.001+02:00

Este curso escolar, os nenos e nenas da aula de 3 anos, estiveron a traballar un proxecto sobre o conto "carapuchiña Vermella".

Xa dende principios do mesmo, decidiron realizar un cadro coa protagonista da historia e convertirse nuns verdadeiros artistas.

Cando o remataron, decidiron agasallar ás súas familias con esta obra de arte. Aquí vos deixamos, en imaxes, o proceso de elaboración do cadro... agardamos que vos guste!!!

O protagonista da semana 5 anos

2011-06-15T08:54:00.001+02:00

Como ben sabedes, e así o contamos durante todo o curso, na aula de 5 anos se desenvolveu, durante todo o ano, o proxecto titulado "O protagonista da semana".

Dende o noso blogue, queremos dar as Grazas a todas as familias que participaron no mesmo; aquí vos deixamos co libro que cada un dos nenos e nenas da aula levou para a súa casa.

Se queredes lembrar a semana de protagonista de cada un dos nenos e nenas da aula, podedes premer no enlace que aparece debaixo:

ACCEDE ÁS DIFERENTES ACTIVIDADES E VISITAS DO PROTAGONISTA DA SEMANA

Por outro lado, se queres ver o proxecto máis a modo, podes acceder aos nosos Álbumes Picasa onde atoparás tanto este como outros proxectos de Educación Infantil, así como actividades variadas que poderás descargar sen problema.

ÁLBUM DO PROXECTO "O PROTAGONISTA DA SEMANA". 5 ANOS

GALERÍA DA ÁLBUMES PICASA DE EDUCACIÓN INFANTIL

O libro das letras 4 anos

2011-06-13T15:29:00.002+02:00

Xa estamos a piques de rematar o curso e comezan a chegar os traballos elaborados polo alumnado das diferentes aulas ao blogue.

Hoxe, vos amosamos O LIBRO DAS LETRAS, elaborado polos nenos e nenas de 4 anos; as familias nos axudaron na súa elaboración xa que cada unha delas completou un abecedario con imaxes e nomes de obxectos, animais,... que comezaban pola letra marcada...

Moitas grazas a todos e todas e aquí vos deixamos cunha presentación do mesmo. Agardamos que vos guste.

Se queres ver cada unha das páxinas do libro con máis detemento, podes premer no seguinte enlace e accederás á páxina dos Álbumes Picasa de Educación Infantil onde, ademais de atopar este traballo, poderás descargar actividades variadas.

https://picasaweb.google.com/colaboracoawebdocole/OLibroDasLetras4Anos#

5 de Xuño: Día do Medio Ambiente

2011-06-06T09:16:00.002+02:00

Grazas á mestra Belén Junquera (http://casadetolos.nireblog.com/), descubrimos este vídeo tan chulo e aquí volo amosamos aproveitando que onte, 5 de xuño, se celebrou o día do Medio Ambiente.

Calendario escolar 2011/2012

2011-05-30T12:24:00.000+02:00

Xa está publicado na páxina da Consellería de Educación o Calendario Escolar para o vindeiro curso 2011/2012

Curso Escolar:

INICIO: 12 SETEMBRO 2011

FIN: 22 XUÑO 2012

DÍA DO ENSINO: 31 OUTUBRO 2011

NADAL: dende o 22 DECEMBRO 2011 ata o 8 XANEIRO 2012 (ambos os dous inclusive)

ENTROIDO: 20, 21, 22 FEBREIRO 2012

SEMANA SANTA: dende o 2 ABRIL2012 ata o 9 ABRIL 2012

Aquí vos deixamos a convocatoria:

http://www.edu.xunta.es/web/node/2671

O protagonista da semana: PABLO S.

2011-05-27T12:27:00.001+02:00

Esta semana, o protagonista da aula de 5 anos foi Pablo S. e, coma sempre, o primeiro que fixemos foi ensinarlle a súa familia e aos seus compañeiros e compañeiras os traballos realizados durante toda a semana e así coñecer máis datos sobre a súa vida.

Posteriormente, a súa nai Cristina nos ensinou, na gran pantalla da aula, unha imaxes e vídeos nas que se recollían diferentes momentos na vida do protagonista (as súas viaxes, a súa familia, as súas orixes en Etiopía,...)

Unha das actividades que máis gustou ao alumnado, e tamén ao protagonista, foi tocar o "yembé". A verdade é que "a cousa" se lle da xenial.

non podía faltar, como xa é habitual, a tradicional "rolda de prensa". Os nenos e nenas da aula resolveron as súas dúbidas e preguntaron todo o que quixeron a Pablo e a súa nai.

Descubrimos tamén que a nai de Pablo é mestra de francés e nos ensinou unha canción moi chula onde os nenos saudaban dunha maneira diferente ás nenas en diferentes momentos da canción.

Pasámolo moi ben!!!

Tamén puidemos ver diferentes vídeos con cancións e historias en francés e Cristina nos ensinou como se dicían os nomes de diferentes animais nes idioma.

E, xa para rematar, a entrega do diploma que acredita a participación da súa familia no proxecto.

MOITAS GRAZAS!!!

Como transportar a auga

2011-05-25T18:40:00.000+02:00

Chega un novo día no recuncho de experimentos sobre a auga na aula de 4 anos!!!

Hoxe, as mestras Emma e Paula, nos plantexan o problema seguinte: como podemos mover ou transvasar a auga dun lugar a outro?, podemos utilizar as mans?

Coma sempre, cada un puxo o seu gomet no entrada correspondente do cadro... a continuación, chegaba o momento de experimentar.

O primeiro que descubrimos foi que a auga é bastante complicada transvasala coas mans xa que non a podemos coller, escurría polas mans!!!

Tamén probamos facendo o transvase coa boca pero... era un lío!!!

Probamos pois diferentes aparellos: vasos, cubos, regaderas, ... pero a mestra Paula tiña preparada unha sorpresa nunha bolsiña; cada un de nós foi palpando a bolsa para adiviñar que se atopaba dentro (a maioría dicían: "é unha almofada!!!").

Queredes saber de que se trataba??? Pois dunhas esponxas de ducha coas que conseguimos baleirar todo o cubo e levar a totalidade da auga cara o outro!!!

Pasámolo pipa!!!

A mestra Emma aínda tiña unha sorpresa: unha tubería!!!... a través dela, transvasamos a auga moi rápido dun lugar ao outro e descubrimos como o noso cole, as casas, os edificios teñen, no seu interior, unha morea de tuberías que serven para que a auga circule por elas e a leva a diferentes localizacións... por iso é tan importante que revisar as tuberías e se miramos algunha que está avariada, avisemos ao fontaneiro.

Tanto esta norma como outras, forman parte dun mural elaborado por todos os nenos e nenas. "POR UN CONSUMO RESPONSABLE DEL AGUA" é o lema co que contamos e no mural recollemos diferentes normas ou hábitos para aforrar auga.

Vicentiño e as árbores da paz

2011-05-24T11:26:00.000+02:00

Esta mañá, recibimos a visita do contacontos Servando que nos trouxo "Vicentiño e as árbores da paz".

Grazas á música, o bardo Abelardo conseguiu traducir á linguaxe dos humanos os sentimentos dos seres que moran nos bosques, nos ríos e nos mares. Coñecimos a historia dun paxaro que descobre que nas pólas das árbores aniña a palabra PAZ, a dun carballo que naceu na bota dun soldado, a dun trasno que vai deitando lixo pola mata...

Pasámolo moi ben e aquí vos deixamos unha presentación de imaxes... agardamos que vos guste...

Aquí vos deixamos o enlace a súa páxina web onde poderedes coñecer máis cousiñas sobre este contacontos, así como a páxina de "contos Solidarios" na que participa.

http://www.touporroutou.webs.com/

http://www.contosolidarios.org/

http://www.contosolidarios.org/cantos.htm

Actividades Día das Letras Galegas

2011-05-20T09:08:00.000+02:00

Este ano, para celebrar o Día das Letras Galegas, decidimos lembrar a outros autores homenaxeados nesta data.

O alumnado de 3 anos, escolleu a Rosalía de Castro e elaborou este cartel tan chulo. Cada un dos nen@s da aula pintou a unha Rosalía e escribiu una anaco dunha poesía. A continuación, o xuntamos todo nunha cartolina e aquí tedes o resultado... chulísimo!!!

3 ANOS-ROSALÍA DE CASTRO

Por outra banda, o alumnado de 4 e 5 anos escolleron a Uxío Novoneyra e Xosé María Álvarez Blázquez respectivamente. Cada unha das aula, elaborou un pequeno libro onde se recollín os datos máis importantes da vida e obra do autor.

Aquí vos deixamos a presentación en imaxes de cada un deles.

4 ANOS-UXÍO NOVONEYRA

5 ANOS-XOSÉ MARÍA ÁLVAREZ BLÁZQUEZ

Cada un dos nenos e nenas da aula levou o seu libro para casa.

Se queredes ver a totalidade das imaxes, o poderedes facer accedendo a nosa Galería Picassa; aquí vos deixamos os enlaces.

(preme no que queiras visitar)

Álbum Uxío Novoneyra

Álbum Xosé María Álvarez Blázquez

O resto de aulas do cole, elixiron a outros autores; entre eles, non podía faltar o homenaxeado deste ano, Lois Pereiro. Cada curso, elaborou un cartel para colocar no porque do cole que quedou así de chulo.

Se queredes saber máis cousiñas sobre os nosos traballos das Letras Galegas, poderedes premer no enlace de abaixo e ir áo blogue da BiblioRía.

http://www.biblioria.blogspot.com/

17 de Maio: Día das Letras Galegas

2011-05-17T13:16:00.000+02:00

Que teñades un bo Día das Letras Galegas.

Podedes acceder a toda a información sobre Lois Pereiro dende o blogue da BiblioRía... aquí vai o enlace:

http://biblioria.blogspot.com/search/label/D%C3%ADas%20das%20Letras%20Galegas

Aviso: Ponte das Letras Galegas

2011-05-16T08:51:00.000+02:00

Dende este blogue, queremos informar a todas as familias que tanto hoxe, luns 16 de maio como mañá, martes 17 de maio, non haberá actividade escolar debido á ponte das Letras Galegas.

As clases retomaranse o vindeiro MÉRCORES, 18 DE MAIO, no seu horario habitual.

Moitas Gracias!!!

O sabor da auga

2011-05-15T12:28:00.000+02:00

O pasado xoves, na aula de 4 anos, tivemos unha nova sesión de experiementos relacionados coa auga. Xa coñecemos se ten son e se ten cor... agora chega o turno do seu sabor.

Coma sempre, reflectimos nun papel as opinións do alumnado. Houbo para todos os gustos ("sabe a mar", "sabe a fresa", "sabe a menta", "non sabe a nada"...)

Unha vez que todos os da aula, puxeramos o gomet onde nos correspondía, decidimos facer a experimentación.

Collimos vasos diferentes para facer sabores a amorodo, menta, auga salgada,... para iso, utilizamos sal que botamos na auga natural, un chupa-chups de amorodo, un chicle de menta,...

Agora tocaba ir probando eses sabores e comparar o que probamos coa auga natural que trouxemos da cociña... non nos gustou nada probar a auga salgada!!!... tampouco ao mestre Juanca ao que lle pedimos que tamén fixera a experimentación.

Despois de moito probar, chegamos á conclusión de que a auga NON TEN SABOR, NON SABE A NADA!!!

ATA O PRÓXIMO EXPERIMENTO!!!