DIA DA PAZ

Como xa sabedes o 30 de Xaneiro celebrase o Día Mundial da Paz.

Dende infantil estivemos coloreando unha pomba co gallo deste día, e tamén fixemos un colgante para levar as nosas casas co símbolo da paz.
Asi traballamos en tres anos

 Asi traballamos en catro anos

Así traballamos en cinco anos

Convivium 2015 con CEIP. Alfonso D. Rodríguez Castelao

XUNTOS POLA PAZ!!! Saída ao CEIP. Castelado, de Navia

Mañá, o alumnado do noso cole visitará o CEIP. Castelado, de Navia, para realizar unha xornada de convivencia e xogos, como xa ben sendo habitual entre nós.

Debido as condicións meteorolóxicas, tivemos que cancelar esta convivencia en varias ocasións pero parece que mañá xa poderá ser posible.

Por iso, nas dúas escola xa estamos con todos os preparativos das actividades. No noso cole, estivemos ensaiando as cancións que cantaremos e bailaremos todos xuntos, formando grandes rodas.

Doutra banda, hoxe recibimos no correo electrónico a invitación dos nenos e nenas da Navia para que visitemos a súa escola. Aquí podedes ver a invitación (tedes que ter un pouco de paciencia porque tarda en comezar un pouquiño)

Coma sempre, mañá será un día fermoso de convivencia entre dúas escolas. Cando teñamos todas as imaxes da xornada, subirémolas a este blog, así que estades moi atentos e atentas!!!

Día da Paz 2015

Hoxe, venres 30 de xaneiro, se celebra o

DÍA ESCOLAR DA NO VIOLENCIA E DA PAZ

A nosa escola quixo sumarse a este día e traballamos diferentes actividades en cada unha das aulas da escola. Así, nas aulas de educación infantil, elaboramos Pombas da Paz que os nenos e nenas levaron para a súa casa en forma de colgante.

Aquí podedes ver unha mostra do noso traballo.

Doutra banda, no porche da escola, elaboramos un mural conxunto con todas as aulas da escola. Neste mural, representamos un arco da vella, formado con diferentes elementos coma corazóns, casas (relacionadas co proxecto sobre arquitectura deste curso), pombas, estrelas,...

 O alumnado de 3 anos elaborou corazóns de cor vermello.

Xuntos pola Paz co CEIP. Castelao

Hoxe, martes 22 de abril de 2014, voltamos ás aulas e comezamos o terceiro trimestre deste curso 2013/2014.

Para comezar esta nova etapa con bo pé, que mellor forma de facelo que lembrando a actividade que realizamos na escola o día 11 de abril, o venres anterior as vacacións de Semana Santa.

 Por fin, grazas ás condicións climatolíxucas que acompañaron, puidemos xuntarnos co CEIP. Castelao, de Navia, para facer unha CONVIVENCIA POLA PAZ.

Esta xuntanza estaba programada para o día 30 de xaneiro (http://www.educacioninfantilriadevigo.blogspot.com.es/2014/01/xuntos-pola-paz.html), pero con tanta cicloxénesis tivemos que retrasar o acto ata mediados de abril.A actividade quedou enmarcada dentro do noso proxecto de centro, titulado "Lendo con Arte". O porche estaba decorado con pombas da Paz do artista español Pablo Picasso que cada curso decorou ao seu gusto (http://www.educacioninfantilriadevigo.blogspot.com.es/2014/01/as-nosas-pombas-de-paz.html) e agardaban a visita dos nenos e nenas de Navia.
 Sobre as 10:20 horas, comezaron a chegar os autobuses co alumnado do CEIP. Castelado e, todo o alumnado do noso centro agardou con paciencia aos seus compañeiros e compañeiras da mesma idade para entrar ao ximnasio, onde tivo lugar a primeira actividade desta xuntanza.

 Os nenos/as de 5º de educación primaria realizaron unha actuación musical con luz negra, na que conformaban o famoso cadro do "Guernica".

Unha vez rematada esta actuación,  comezaron os xogos cooperativos, dirixidos polos mestres/as e algunhas familias. Os nenos e nenas, divididos por grupos, foron pasando polos distintos xogos: pintacaras, abrazos musicais, contacontos, paracaídas...

Cando os xogos remataron, chegou o momento da merenda, onde os nenos/as aproveitaron para coñecerse en persoa e descobrir aos amigos e amigas que fixeron a través de cartas e murais que intercambiaron.

O CEIP. Castelado, de Navia, agasallóunos cun cadro do "Guernica" precioso.

Rematamos a xuntanza despedíndonos de todos os nenos/as de Navia e agradecéndolles a súa visita.

Foi unha mañá estupenda!!
Para que disfrutedes igual que nós durante a xornada de convivencia, aquí vos deixamos unha presentación de imaxes que reflicten todo o vivido.

As nosas pombas de Paz

A finais da semana pasada, os nenos e nenas de 5º curso de primaria pasaron polas nosas aulas repartindo uns murais enormes. 

Cada un deles tiña debuxado un cadro da coleción de pombas de Pablo R. Picasso, o famoso pintor malagueño.

Explicáronnos que tiñamos unha tarefa que cumprir: visionar a imaxe, pensar o que nos transmitía e facer unha pequena reflexión sobre a Paz. A continuación, poderiamos traballar con ela como quixeramos: pintándoa, poñendo palabras alusivas á Paz, algunha frase,...

Coma nós somos moi cumpridores/as, puxémonos mans á obra para facer un bo traballo que, posteriormente, colgariamos no corcho xigante do noso porche.

Algunhas actividades que realizamos e que son moi interesantes para traballar nas vosas aulas son as seguintes:

- Diálogo: Que significado ten para ti a palabra "Paz"?

- Listaxes con palabras "bonitas" ou positivas relacionadas coa Paz.

- Xogamos a "A que saber o teu bico? facendo una roda con bicos viaxeiros que pasaban duns nenos/as a outros/as e nos que tiñamos que dicir a que sabía o bico do compañeiro/a.

-Xogamos coas apertas: nos damos apertas os que nos sentamos no mesmo grupo de mesas, soamente os nenos, agora as nenas, abrazamos á mestra,...

Aquí vos deixamos cun exemplo en imaxes das actividades:

Onte, 30 de xaneiro, celebramos a conmemoración do Día da Paz e, despois do patio, todo o alumnado de educación infantil fixo unha roda no chan do porche e puidemos realizar xogos de Paz como a roda dos bicos, que sabor teñen os bicos dos compañeiros/as, a lectura do conto "Las niñas del mundo",...