Coma todos os anos por estas datas, o noso amigo Gaspar danos a benvida e celbra con nós a chegada dun novo curso na BiblioRía (que dentro de pouco voltará a abrir as súas portas)
Comeza tamén a deixarnos pistas sobre o que será o proxecto de centro deste curso 2013/14.
Comeza tamén a deixarnos pistas sobre o que será o proxecto de centro deste curso 2013/14.
Aquí vos deixamos coa primeira carta recibida nas aulas. E vós, xa sabedes cal será o tema deste ano?
Ola! Que tal
amiguiños e amiguiñas?
Espero que xa estedes
todos de volta. Cantos desexos teño de vervos!
Estou a piques de
chegar ao cole, aínda que xa sei que remataron as vacacións.
Cantas novidades teño que vos contar e ensinar...
Pasei o verán
viaxando. Como sempre! E como ás veces son un pouco despistado, sen saber
como, vinme metido nun tremendo
labirinto de canales e canto mais nadaba menos atopaba a saída. Foi un
verdadeiro pesadelo!
Pero como di o
refrán; “Non hai mal que por ben non veña”, así que unha noite me encontrei nun lugar marabilloso e enorme, tan silencioso pola
noite como a vosa BiblioRía, pero moitísimo mais grande, con moitas escaleiras,
moitas salas e teitos de cristal!
Estaba tan canso
que adormecín. Pensei que estaba nun
barco que me ía traer ao cole Ría de Vigo, pero cando o sol entrou polos teitos
acristalados e polas altísimas vidreiras de cores quedei pampo co que alí había... Corrín como tolo dunha
sala a outra e cada cal era mellor ca
anterior!
Noooon! Non era un
tesouro! Aínda que ao mellor tamén se lle pode chamar así.
Aquelas marabillas que colgaban daquelas
altísimas paredes fixéronme pensar que seguía soñando, pero... de súpeto, uns fortísimos e amables gardas de
seguridade leváronme ate o mar onde atopei o camiño de retorno.
Agardade por min, que
chego axiña, pero mentres tanto ide PENSANDO: onde estaría eu? Que me podería asombrar
tanto?
Se sodes quen de
adiviñalo daredes coa pista do tema que imos ter este curso na BiblioRía, jajaja
Outra cousiña!
Querédesme facer un favor? Trátase de
decorar estes cinco recadros de
cartolina, despois coa axuda dos profes irédelos poñendo nas paredes dos corredores.
E
nada máis por hoxe. Vémonos prontiño!
No hay comentarios:
Publicar un comentario