Na aula de tres anos, estivemos a traballar cos libros que mandou Gaspar para decorar como quixeramos. Como contabamos soamente con tres libros, tivemos que decidir que contos iamos representar ou debuxar neles. Así, o primeiro que fixemos foi elaborar unha lista cos nosos contos preferidos e ir engadindo "votos" ou puntos aos que se repetían ou escollían os nenos e nenas da aula.
Unha vez feito este paso, decidimos representar a votación dunha forma visual para que fora entendible e accesible para os máis pequenos/as. Utilizamos, para iso, os coches de cores que temos na clase. Aquí podedes ver unha imaxe:
"Aviones" e "La Cecinienta" foron os dous contos máis votados, pero como tiñamos tres contos precisabamos dun máis. Así, descartamos os contos que tiñan soamente un voto e nos quedamos cos que tiñan un empate a dous votos: "Peppa Pig", "Cars", "Tarzán" e "La Sirenita". Agora, tiñamos que voltar a votar entre eses catro e aquí está o resultado. "Cars" foi o elixido para ser o terceiro conto a representar nos libros de Gaspar.
Os nenos e nenas de 4 e 5 anos tamén fixeron os seus. Mirade que chulos lles quedaron! Son uns artistas!
Moi boa votación. Quedáronlles moi bonitos. Boa finde.
ResponderEliminarMoitas grazas, Ana!
ResponderEliminarDesexamos que pasaras moi boa finde e que desfrutes destes días de Samaín.
Saúdos