Coma sempre por estas datas, nas aulas de educación infantil facemos algunha manualidade ou traballo sobre a Pascua; xa sexan ovos, coellos, etc.
Nas aulas da nosa escola estamos a traballar cos coelliños que tanto gustan aos máis pequenos e queremos compartir con todos e todas algunhas ideas que atopamos na rede e que vos poden servir tanto para traballar nas vosas aulas, como nas casas (xa que as familias, en moitas ocasións, nos demandades recursos variados para que os nenos e nenas se divirtan nos días sen cole).
Dunha banda, aquí vos deixamos uns crebacabezas para pintar, recortar e montar. Grazas a eles traballaremos a motricidade fina, o recorte coas tesoiras, a orientación espacial,...
Por outra banda, tamén compartimos estes debuxos para unir con números e que poderemos facer cos pequenos de forma amena e divertida, axudándolles cando o precisen (sobre todo, cos números "altos").
Ou estas actividades para montar os coellos.
O mundo de internet, ofrécenos variadas opcións e recursos; moreas e moreas de álbumes picasa, blogs super interesantes, webs variadas,... nos que poderemos atopar debuxos para pintar, manualidades, actividades,... para traballar tanto nas aulas coma durante estes días festivos de Semana Santa nos que os máis cativos estarán de vacacións.
Aquí vos deixamos unhas ligazóns interesantes onde poderedes descargar material variado:
Aquí vos deixamos unhas ligazóns interesantes onde poderedes descargar material variado:
No hay comentarios:
Publicar un comentario