Traballo 5 anos_"La Prehistoria"

Traballo 4 anos: "Los dinosaurios"

Traballo 3 anos_"La Prehistoria"

Conto "Un día en la Edad de la Piedra"

Na aula de 3 anos, preparamos este conto titulado "Un día en la Edad de la Piedra", no que o protagonista principal da historia é Gugú, un neno que viviu naquela época e que cargaba cun pesado e gordo caderno de pedra.

A canción atopámola na rede e, despois de traballala na aula, fixemos as imaxes e os textos das páxinas entre todos e todas, contando coa exuda das mestras.

Aquí vos deixamos con Gugú, co seu gordo caderno de pedra e co vídeo da historia, que agardamos vos guste.

Teatro prehistórico

"La cueva de Altamira", esta foi a obra de teatro que tres nenos de 6º e un neno de 5º representaron para o alumnado de educación infantil. A obra tivo lugar na BiblioRía da escola e Gaspar foi a que a presentou.

A representación tiña dúas partes: na primeira, fixeron unha representación do conto e, na segunda parte, explicaron, sobre un power point, onde está a Cova de Altamira, como vivían naquela época e as pinturas que facían. 

Por último, un neno recitou unha fermosa poesía sobre o conto, creada por él mesmo.

Os nenos e nenas de infantil pasárono moi ben!!! e os nenos/a maiores o fixeron estupendamente.Dende aquí, lles damos as grazas e un bico enorme tamén á mestra Geli que lles axudou en todo o proceso de creación.

 Non vos perdades as fotos! Preme na imaxe e accede ao blog da BiblioRía para poder ver as imaxes.

 Fonte das imaxes: http://biblioria.blogspot.com.es/ (Non dubidedes en visitar o blog)

Que libro máis interesante!!!

Como xa vos contabamos no post de onte, as familias agasallaron aos nenos polo Nadal este libro tan interesante sobre a Prehistoria.

 Un libro interesantísimo onde podemos descubrir milleiros de imaxes e información sobre a época do ano que estamos a traballar. Aos nenos e nenas de 3 anos lles encanta ler este conto despois da merenda e aquí vos deixamos cunhas imaxes do ben que o pasan.

Somos arqueólogos

Os nenos e nenas de 3 anos convertíronse en arqueólogos para pasar unha divertida xornada na escola, investigando e atopando restos arqueolóxicos da Prehistoria.

O elemento motivador foi esta imaxe atopada no libro co que as familias agasallaron aos seus fillos polo Nadal.

Despois das correspondentes preguntas e de investigar a labor que realizan os arqueólogos, decidimos que nós tamén desenvolveriamos este oficio tan complicado e, por iso, nos decidimos a buscar polo areeiro da escola e polo patio diferentes restos desta época... e os atopamos!!!

Aquí vos deixamos coas imaxes.

Material para descargar: Proyecto "La Prehistoria" (5 anos)

Aquí vos deixamos este proxecto sobre A Prehistoria, orientado ao alumnado de 5 anos.

Cantos monumentos prehistóricos!!!

Xa sabedes que o alumnado de infantil é un auténtico experto na época da Prehistoria. Así, despois de moito investigar, atoparon pola nosa zona e cidade milleiros de restos desta época da Historia.

Para poder situar visualmente os elementos atopados, decoraron un mapa da nosa cidade, onde podemos diferenciar cada unhas das localidades; os maiores de 5 anos pintaron cada unha desas localidades dunha cor diferente e, a continuación entre todos, pegamos os restos arqueolóxicos atopados.

Aquí vos deixamos co resultado.

Feliz Día Internacional das Familias

Hoxe, 15 de maio, se celebra en todo o mundo o DÍA INTERNACIONAL DAS FAMILIAS.

Na nosa escola, é unha celebración que nunca deixamos pasar por alto e, coma sempre, elaboramos nas aulas un pequeno agasallo para todas as nosas familias, as que sempre colaboran cos proxectos e con todas as actividades propostas. Para todas vós, FELIZ DÍA!!!

Este ano, realizamos unha manualidade moi relacionada co tema do proxecto: unhas casas castrexas, nas que vivína os homes e mulleres da Prehistoria. Tanto aquí coma aquí xa vos amosamos como se desenvolvía o proceso de elaboración das casas prehistóricas; hoxe, vos amosamos o resultado e empaquetado final. Quedaron chulos, verdade?

 Aquí vos deixamos tamén con esta imaxe que poderedes imprimir e, a continuación, pegar unha foto da vosa familia.

Saída ao Castro de Vigo

Como xa vos adiantamos neste post, o alumnado de 3 e 4 anos da escola foi de excursión ao Castro de Vigo.

Alí, desfrutamos dunha xornada moi especial, na que non introducimos noutra época: a Prehistoria. Puidemos converternos en pequenos homes e mulleres daquela época e nos adentrar nas casiñas e nos espazos que alí se atopan. Grazas a Rosa, a monitora, puidemos aprender a diferenciar entre unha casa castrexa (de planta circular) e unha casa romana (de planta cadrada), así como ver os diferentes obxectos do seu interior e os seus usos.

Unha xornada moi intersante na que puidemos profucdizar en todo o que xa sabemos grazas ao noso proxecto sobre a Prehistoria, enmarcado dentro do proxecto de centro "Lendo coa arte que nos rodea".

Aquí vos deixamos coas imaxes da saída.

Fonte das imaxes: http://biblioria.blogspot.com.es/ (Non dubidedes en visitar o blog)

A Idade dos Metais

Despois de traballar na aula coas dúas primeiras etapas da Prehistoria: Paleolítico e Neolítico, chegou o turno da: 
A IDADE DOS METAIS
Así, investigamos que os prehistóricos descubriron diferentes metais como o bronce, o cobre e, sobre todo, o ferro, que era o máis resistente, e co que fabricaban milleiros de ferramentas. Aquí podedes ver tres tipos diferentes de ferramentas e os usos que lle daban:

Por outra banda,  descubrimos un importante invento: a roda, e estivemos a traballar con obxectos que rodan e non rodan. Como o mellor para investigar, é probar, esto mismo foi o que fixemos; utilizamos diferentes obxectos que atopamos na aula para facer ensaio-erro sobre se rodaban ou non. Unha vez realizada a proba, puidemos clasificar sen problema as seguintes imaxes.

Saímos de excursión ao Castro

Dende fai moitos días, os nenos e nenas de 3 e 4 anos estamos preparados para ir de excursión ao Monte do Castro de Vigo, ou para ir a ver as "casiñas dos prehistóricos", como dicimos na aula.

Así, coma sempre que realizamos unha saída, realizamos actividades de motivación previas para saber onde imos, como nos temos que comportar e o que imos a ver. Por iso, descubrimos a nosa cidade de Vigo e a identificamos entre outras cidades. 

Esta é a nosa cidade na actualidade...

 ... pero fai moitos anos, este era o seu aspecto.

 Na época prehistórica non atopabamos os edificios nin as tendas de hoxe en día, como tampouco os milleiros de comodidades que temos. Fai anos, os homes e mulleres vivían nestas casas, chamadas castros, feitas de pedras e palla.

 

Na visita de hoxe descubriremos moitas curiosidades sobre estas construcións, así coma sobre o tipo de vida que levaban naquela época. En canto teñamos as imaxes da saída, as subiremos a este blog, así que estade moi atentos e atentas que de seguro o pasamos"pipa"

Material para descargar: Proyecto "La Prehistoria" (4 anos)

Aquí compartimos con todos vós este proyecto realizado na aula de 4 anos. É un proxecto sobre a Prehistoria e poderedes descubrir as características máis importantes deste período da historia, así coma a súa "etapa previa": a época dos dinosaurios.

Agardamos que vos guste. Se queredes descargar as fichas, soamente tedes que premer na seguinte ligazón:

https://picasaweb.google.com/104924940840955327392/Traballo4Anos_LaPrehistoria

Que estaremos argallando???

E ti, que pensas que poden ser?