viernes, 27 de febrero de 2015

Matrícula para o curso 2015/2016

Como podedes observar, na marxe dereite deste blog podedes atopar unha imaxe coa palabra "matrícula".
 Se premedes sobre ela, vos levará á páxina web da escola onde atoparedes toda a información necesaria  sobre o inicio do procedemento de admisión de alumnado en centros docentes sostidos con fondos públicos para o curso 2015/2016.
O prazo de presentación de solicitudes é do 2 ao 23 de marzo, ambos os dous inclusive.

Aquí vos deixamos coa ligazón correspondente:





jueves, 26 de febrero de 2015

Pintamos como os prehistóricos

Esta semana, na aula de 3 anos, estivemos a pintar como o facían os homes e mulleres da Prehistoria.
Así, precisamos de tres elementos para facer a mezcla: auga, aceite e pigmento (neste caso, utilizamos o pimentón de cor vermella). As cantidades necesarias son as seguintes: 1 cullerada de pigmento, 1 cullerada de aceite e dous culleradas de auga.
 Todos os nenos e nenas da aula fixeron a súa propia mezcla nun recipiente; a continuación, pintaron unha das súas mans coa axuda dun pincel e, por último, estamparon a mesma na folla do libro da Prehistoria, do mesmo xeito que o facían os homes e mulleres de Cromañón.

martes, 24 de febrero de 2015

Día de Rosalía 2015

Hoxe, como cada 24 de febreiro, se conmemora o Día de Rosalía.
Cada ano por estas datas, realizamos algunha celebración ou acto na escola e, máis concretamente, na nosa Biblioría; así, o recitado dos seus poemas por cada unha das aulas é unha forma de homenaxear a esta autora tan importante de Galicia.
Este ano, dende infantil, escollidos o poema "Adiós ríos; adiós fontes", de Cantares Gallegos (1869)
A personaxe que fala no poema é un emigrante que está a piques de embarcar para América e que se despide con moita tristura da súa terra natal, situación que tiveron que pasar moitos galegos na segunda metade do século XIX. 
Aquí vos deixamos co poema completo (nós soamente recitamos catro estrofiñas por curso)

Adios, ríos; adios, fontes;
adios, regatos pequenos;
adios, vista dos meus ollos:
non sei cando nos veremos.
Miña terra, miña terra,
terra donde me eu criei,
hortiña que quero tanto,
figueiriñas que prantei,
prados, ríos, arboredas,
pinares que move o vento,
paxariños piadores,
casiña do meu contento,

muíño dos castañares,
noites craras de luar,
campaniñas trimbadoras
da igrexiña do lugar,
amoriñas das silveiras
que eu lle daba ó meu amor,
camiñiños antre o millo,
¡adios, para sempre adios!
¡Adios groria! ¡Adios contento!
¡Deixo a casa onde nacín,
deixo a aldea que conozo
por un mundo que non vin!
Deixo amigos por estraños,
deixo a veiga polo mar,
deixo, en fin, canto ben quero...
¡Quen pudera non deixar!...
Mais son probe e, ¡mal pecado!,
a miña terra n'é miña,
que hastra lle dan de prestado
a beira por que camiña
ó que naceu desdichado.
Téñovos, pois, que deixar,
hortiña que tanto amei,
fogueiriña do meu lar,
arboriños que prantei,
fontiña do cabañar.
Adios, adios, que me vou,
herbiñas do camposanto,
donde meu pai se enterrou,
herbiñas que biquei tanto,
terriña que nos criou.
Adios Virxe da Asunción,
branca como un serafín;
lévovos no corazón:
Pedídelle a Dios por min,
miña Virxe da Asunción.
Xa se oien lonxe, moi lonxe,
as campanas do Pomar;
para min, ¡ai!, coitadiño,
nunca máis han de tocar.
Xa se oien lonxe, máis lonxe
Cada balada é un dolor;
voume soio, sin arrimo...
Miña terra, ¡adios!, ¡adios!
¡Adios tamén, queridiña!...
¡Adios por sempre quizais!...
Dígoche este adios chorando
desde a beiriña do mar.
Non me olvides, queridiña,
si morro de soidás...
tantas légoas mar adentro...
¡Miña casiña!, ¡meu lar!

Na páxina web do cole e no blog da BiblioRía, poderedes atopar máis información sobre este acto. 
Fonte das imaxes: http://biblioria.blogspot.com.es/ (Non dubidedes en visitar o blog)

lunes, 23 de febrero de 2015

Facemos "maracas prehistóricas"

Nas aulas de educación infantil, estivemos a imaxinar e pensar como serían os instrumentos que fixeron os primeiros homes e mulleres que poboaron a Terra. Así, eles se servían de elementos naturais cos que facer sons e músicas diferentes e nós, quixemos utilizar materiais do noso arredor para facer o mesmo.
En primeiro lugar, aproveitamos a hora da merenda para degustar un batido de amorodo boísimo; lavamos o bote, quitámoslle o papel que o estaba a envolver e lle pegamos gomets de diferentes cores e formas para que estivera máis chulo.
Posteriormente, utilizamos pedras pequenas do patio e pasta de cores (que nos sobrou cando fixemos os collares prehistóricos) e a puxemos no interior do bote; pechamos coa rosca e xa tivemos a nosa propia maraca prehistórica.
 Na aula de tres anos, o día da Festa de Entroido aproveitamos os nosos traxes de prehistóricos para nos facer unha foto recién chegados á aula. Aproveitamos posteriormente a imaxe para completar unha ficha onde detallabamos os elementos necesarios para elaborar este instrumento musical prehistórico. Aquí vos deixamos coa presentación de imaxes:

viernes, 20 de febrero de 2015

Fotos Entroido 2015

Aquí vos deixamos coas imaxes da Festa de Entroido 2015, que tivo lugar o pasado venres, 13 de febreiro.
En primeiro lugar, aquí podedes desfrutar desta presentación en imaxes e, posteriormente, podedes atopar unha ligazón ao cartafol de imaxes facilitadas pola ANPA.
Ligazón ás imaxes da ANPA:

jueves, 19 de febrero de 2015

Semana da Prensa 2015_Aviso ás familias

Queridas familias,
Con motivo da Semana da Prensa 2015 (dende 0 9 ao 13 de marzo) solicitamos a vosa colaboración.
Como este ano estamos a traballar coa "Arte que nos rodea", necesitamos que axudedes aos vosos fillos e fillas a buscar nun xornal algunha noticia relacionada co urbanismo de Vigo: restos arqueolóxicos, arquitectura, esculturas, arquitectura popular (hórreos, petos de ánimas, cruceiros,...) Cando as atopedes, as podedes recortar e traer á escola. 
Coas achegas de todos e todas faremos un gran mural e de seguro que atoparemos historias moi interesantes para ler.
Agardamos polas vosas noticias antes do 3 de marzo.
Graciñas.
O Equipo de BiblioRía
 

miércoles, 18 de febrero de 2015

IX Premio Espiral Edublogs 2015

Coma nestes últimos anos, o noso blog se presenta aos Premios Espiral Edublogs, unha iniciativa moi recomendable onde compartir as nosas ideas e os nosos recunchos na rede.

 Como ben podemos ler a Isabel Ruiz_Presidente de Espiral:
"Los blogs no están muertos. Y los que año tras año apostamos por ellos lo sabemos. Los blogs son, en estos momentos, instrumentos básicos que siguen acercando el cambio metodológico y tecnológico al aula, como lo llevan haciendo durante años… sin prisa, sin pausa.
Los edublogs representan el valor de lo sencillo, de aquello que acerca a docentes inquietos, a alumnos creativos, a padres y madres que apuestan por el futuro, a todos los que tienen ilusión en el mañana.
Aquí estamos, desde Espiral, con la IX Edición del Premio, recogiendo un nuevo homenaje al trabajo en solitario o en grupo, reflexivo o práctico, siempre imaginativo, de todos aquellos que creeis, como nosotros, que Educación se escribe con mayúsculas y que los edublogs nos ayudan cada día a hacerlo mejor.
Comparte tu trabajo, inscribe tu blog y enséñanos que lo sencillo vale mucho la pena.
Hagamos girar las peonzas un año más!!"

O noso blog xa está entre os participantes e, por iso, podedes ver un logo de participación na marxe dereita, co debuxo dunha peonza e o texo "yo participo..."
 Se queredes participar co voso blog nesta edición, poderedes informaros sobre como o podedes facer, premendo na seguinte ligazón:

Como me inscribo á IX Edición do Premio Espiral Edublogs?

martes, 17 de febrero de 2015

Aportacións das familias ao proxecto

As nosas familias continúan aportando obxectos similares aos da Prehistoria, elaborados por eles mesmos. hoxe, aquí vos deixamos unha mostra das aportacións que chegan ás aulas.
Martín, tróuxonos un collar de corda no que estaban insertados unha pedra e algunhas conchas mariñas.
Héctor aportou un collar feito con conchas de mar e un instrumentos musical, tamén feito con conchas; sobre a base dun pao engancharon uns anacos de corda con conchas ao seu arredor, de tal xeito que cando movemos o pao, escoitamos música.
 Leire, Antón e Iago aportaron debuxos variados, relacionados co modo de vida dos homes e mulleres da Prehistoria.
Samuel deseñou coa súa familia unha fogueira moi chula, así como unha lanza moi similar ás que se utilizaban fai anos.
 Zoe aportou milleiros de imaxes sobre petroglifos (aquí vos deixamos soamente unha pequena mostra, xa que trouxo un montón)


E Abrham fixo este libro tan chulo sobre a Prehistoria.
MOITÍSIMAS GRAZAS!!!

lunes, 16 de febrero de 2015

As ferramentas da Prehistoria

No noso blog, non paramos nestas festas de Entroido e continuamos a compartir con todos/as novas relacionadas co noso día a día na escola.
Na aula de cinco anos, agora que xa coñecemos as etapas da Prehistoria, estamos a investigar como vivían, de que se alimentaban e que ferramentas utilizaban para cazar estes homes e mulleres que viviron fai moitos, moitos anos. Entre toda esta información atopamos restos de ferramentas feitas con sílex e cuarzita que foron atopadas na zona vecina de Coruxo: BIFAZ DE LA PLAYA DEL VAO e BIFAZ DE CARRASQUEIRA.
Aquí queda unha mostra das nosas investigacións.

sábado, 14 de febrero de 2015

Poñémoslle cor ao "San Valentín"

Hoxe é 14 de febreiro, o DÍA DOS NAMORADOS.
Se queredes pasar unha xornada moi divertida, aquí vos deixamos estes debuxos da celebración por se os queredes pintar e con eles agasallar a alguén ben querido.
Agardamos que vos gusten e que hoxe sexa un día cheo de bicos e apertas xigantes.


 

Recursos de Entroido

Para nos divertir nestas festas de Entroido, hoxe compartimos con vós estes recursos relacionados coa festa.
Para comezar, aquí deixamos esta ligazón, relacionada cos Bolechas, na que poderedes atopar as características de diferentes entroidos de distintos lugares de Galicia, así como actividades variadas.
Por outra banda, tamén compartimos estas caretas por se as queredes imprimir e colorear nas vosas casas.
agradamos que vos gusten.