ORGANIZAMOS A AULA

Os nenos e nenas de alternativa a relixión, a parte de desenvolver aspectos artísticos, a veces levamos a cabo tarefas que contribúan o benestar do grupo e mantemento da aula. O pasado venres organizamos o recuncho de arte: afiamos as pinturas, limpamos os recipientes, colocamos ben os utensilios da plastilina, fixemos bolas novas de plastilina e colocámolas no caixón,…

Moi bo traballo!

COORDINARTE

Na última sesión de arte e creatividade fixemos unha tarefa de cooperación por parellas.

Colocámonos de dous en dous e tiñamos unha soa folla e un so pincel, polo que nos tivemos que poñer de acordo co compañeiro/a para elixir a quenda para usar o pincel así como a cor elixida en cada momento, conversando sobre o debuxo elaborado en conxunto. 

Foi unha tarefa que resultou motivadora, reconfortante e positiva para os cativos, xa que lles axudou a mellorar o control de impulsos e a afianzar habilidades sociais básicas de respecto e cortesía. 

Aquí vos deixamos unha imaxes do proceso...

E este foi o resultado!

FERMOSOS!!!

ÁRBORE DAS EMOCIÓNS

Na nosa aula habita un trasno moi simpático que nos pediu que lle fixéramos unha árbore na que poder descansar a cambio dunha sorpresa. Intrigados, decidimos facela,  buscamos o lugar máis axeitado e puxémonos mans a obra. Recortamos anacos de aironfix azul, verde e marrón, e fómolos pegando pouco a pouco, posteriormente ocorréusenos facer un burato na árbore onde se puidera poñer o noso trasno.

E cando rematamos... apareceu a sorpresa! Regalounos moitas follas de cores para poñer na árbore, cada cor representa unha emoción, e así cada día podemos reflexionar sobre como nos sentimos e facelo visible. Mellorando así o noso autocoñecemento e autocontrol das emocións.