LETRAS

O aprendizaxe da lectoescritura é un proceso lento e madurativo, que conleva un gran número de aprendizaxes previos para o seu dominio. 

Na etapa infantil facemos un achegamento a mesma e na aula observamos como cada día os cativos están máis motivados con dito aprendizaxe e comezan a decodificar. Gústalles moito decatarse de que xa son capaces de recoñecer letras en textos, descobren que saben o que está escrito en algúns lugares, que len palabras,... 

E para mellorar a atención neste aspecto na aula contamos con diferentes xogos cos que practicar. Deixámosvos algunhas imaxes para que vexades que ben o facemos!

ANIMAIS E DEMAIS

A partires dos xoguetes que temos na aula estamos traballando a conciencia fonolóxica. Concretamente cos animais, fixemos un xogo que consistía en elixir un animal que nos gustase e buscar o seu nome. Con esta tarefa traballamos a atención, a audición de fonemas e fomentamos o recoñecemento de letras.

BINGO!

Coa finalidade de repasar e interiorizar as letras maiúsculas, os venres xogamos ao Bingo das letras. Cada neno/a adquire un cartón e un rotulador. Os locutores do bingo van dicindo a letra que sae e os participantes van marcando as letra que teñen no seu cartón, cando fan unha liña poden cantala ou esperar ao bingo, cando teñan todo o cartón cuberto.

Pasámolo xenial! 

O noso primeiro finalista foi Lucas Durán!

Tras cantar o bingo, os locutores dan comezo a comprobación para verificar que sexa correcto. Unha vez resolto, o campión obtén un pequeno agasallo que compartirá con tódolos participantes.

O seguinte venres tivemos un empate entre Miranda e Xiana, que cantaron o bingo a vez!