Semana da prensa 2013 (I)

Durante toda esta semana, do 11 ao 15 de marzo, estamos a celebrar na escola a
Semana da Prensa. 
Este ano, as diferentes noticias versan sobre os países relacionados co conto de Tintín que se traballa en cada aula.

Como ben sabedes, o alumnado de educación infantil está a traballar o conto "Tintín en el Congo" e as familias colaboraron aportando ás aulas noticias relacionadas con este país ou co continente africano.

Unha seleción destas noticias forma parte do gran mural que estamos a elaborar no porche da escola, onde quedan reflectidas as siluetas de cada un dos países nomeados nos contos de Tintín.

Aquí vos deixamos con estas imaxes do alumnado de 4º de educación infantil-3 anos colocando unha seleción das súas noticias no mural do porche.

XIV Salón do libro infantil e xuvenil de Pontevedra

Xa temos aquí unha nova edición do Salón do Libro Infantil e Xuvenil de Pontevedra.

O lema deste ano é A TODA MÁQUINA!

Inventar, crear, investigar, soñar, experimentar, construir…proxectar as ideas e facelas realidade no XIV Salón do Libro Infantil e Xuvenil 2013 de Pontevedra.

Se queredes visitar esta mostra, o poderedes facer dende o 2 ata o 23 de marzo de 2013 no Pazo da Cultura de Pontevedra.

Aquí vos deixamos o enderezo e a páxina web por se queredes acceder a toda a información: programa de actos, visitas concertadas, actividades de rúa, espectáculos,...

salondolibro@salondolibro.org

Pazo da Cultura de Pontevedra

Teléfono: 986.83.30.61

Rúa Alexandre Bóveda, s/n. 36005 Pontevedra

8 de marzo. Día da muller

O venres, día 8 de marzo, celebramos no colexio o DÍA DA MULLER.

       En todas as aulas da escola investigaron se no país que están a traballar con Tintín existíu ou existe algunha muller que destacara ou destaque por aportar ao mundo algo importante.

Os nenos e nenas de educación infantil traballaron coa figura de Wangari Maathai.

Cada unha das aulas da escola buscou imaxes e fixo un resumo da biografía da muller escollida.

      Os traballos estiveron expostos todo o día no corcho das dúas entradas á biblioteca e, grazas ao blog da BiblioRía, poderedes disfrutar deste vídeo fotográfico.

Por outro lado, aquí vos amosamos as diferentes fichas realizadas polo alumnado de 3, 4 e 5 anos. Agardamos que vos gusten.

O protagonista da semana: LUÍS

A semana do 25 de Febreiro ao 1 de Marzo, o protagonista foi:

LUÍS.

Ao longo da semana, fomos coñecendo un pouco máis ao noso compañeiro Luís: os seus apelidos, onde vive, os seus gustos... e tamén estivo encantado de poder amosarnos os seus xoguetes favoritos: peluche, xoguete, roupa, conto...!

Como de costume, ensinóunos fotos de cando era bebé e amosóunos o pequeniña que era a súa roupa; coa cinta métrica comprobamos cánto medrou.

O venres día 1, tivemos a visita na aula dos seus pais, Carmen e Luís. Non lles foi posible traer ao seu animal favorito porque é a pantera!

Luisete, amosóulles o traballo que estivo a facer durante a semana e deseguido chegou o momento das preguntas; comezamos preguntando os seus nomes e interesándonos polos seus traballos.

Tamén quixemos saber como é Luís na casa. Contáronnos que se porta ben, que xoga moito ao fútbol, ao golf (no seu xardín) e no ordenador, que fala moito, e debe de ser por eso que tamén bebe moito. Que lle gusta comer hamburguesas e marisco, sobre todo os percebes. Non lle gusta moito pintar, pero si ler. Tamén lle gusta ir ás clases de música, os luns pola tarde.

Despois nos contaron o conto favorito de Luís, que é “Cocorico”; gustóunos moito, sobre todo pola canción.

A continuación, recibimos un “Huesito” de agasallo, que acabou de endulzarnos a mañá.

E, como sempre, antes de rematar esta visita, entregámoslle un diploma como recordo desta semana e despedímolos cun merecido aplauso.

GRACIÑAS

8 de marzo: Día da muller traballadora

Mañá, venres 8 de marzo de 2013, celebramos na escola o Día da Muller Traballadora.

O alumnado de educación infantil elexíu a Wangari Muta Maathai, a primeira muller africana que logrou un Premio Nobel da Paz (2004). Dedicou a súa vida á reforestación de África e a promover a integración da muller, favoreceu o desenvolvemento sostible, a democracia e a paz.

Loitou toda a súa vida pola defensa da idea que o deterioro do medio ambiente, a deforestación e o empobrecemento dos contornos rurais conlevan a desaparición dos medios de vida de milleiros de personas no mundo, deixándoas sen recursos, sen defensa, sen esperanzas e sen futuro.

 Unha das moitas formas de loitar contra esa realidade foi a creación dun movimento que comezou da forma más sinxela: coa prantación no seu propio patio de nove pequenas árbores, que despois se transformaron en varias filas, logo de convencer ás mulleres da súa aldea das ventaxas da súa idea; estas mulleres, á súa vez, convenceron ás mulleres das aldeas veciñas e, pouco a pouco, moitas mulleres de Kenia decidiron facer o mesmo: xurdira o "Movimento do Cinturón Verde".

27 anos máis tarde, sementaran trinta millóns de árbores, existían seis mil viveiros en Kenia e o movemento medrou a 30 países africanos, transformando a vida e o futuro de miles de familias.

Se queredes saber máis, premede nesta ligazón que vos levará ao blog "Libros para soñar": http://librosparasonhar.wordpress.com/2011/10/10/wangari-y-los-arboles-de-la-paz/

 

Toda esta historia, atopámola no conto titulado 

"Wangari y los árboles de la paz" 

Gracias ao blog colaborativo ACTIVIDADES LIM (http://actividadeslim.blogspot.com.es/) atopamos este recurso (http://actividadeslim.blogspot.com.es/2012/01/wangari-y-los-arboles-de-la-paz.html), elaborado pola mestra Belén Junquera, a quen lle damos a grazas por compartilo con todos nós e facilitarnos o código para poder insertalo no noso pequeno espazo da rede.

Actividade LIM: "Os medios de transporte" (Tintín en el Congo)

Durante estes días, traballaremos nas aulas os diferentes medios de transporte que aparecen no conto "Tintín en el Congo".

Aquí vos amosamos unha das actividades LIM que creamos para motivar ao alumnado e facilitar a adquisición de contidos de forma sinxela, amena e divertida.

(Lembrade que para xogar en pantalla completa tedes que premer no cadrado superior da dereita)

Premios Espiral Edublogs 2013

Xa están convocados os VII Premios Espiral de Edublogs 2013

Este ano, participaremos nos premios presentando este blog de educación infantil. 

O curso pasado xa formamos parte da comunidade dos Premios Espiral e recibimos a grata noticia de converternos en blog finalista.

Podedes visitar a páxina onde se presenta o noso blogue e deixar o voso comentario, na seguinte ligazón:

http://espiraledublogs.org/2013/?p=2663


Tamén poderedes visitar o blog de inglés da escola que tamén participa nestes premios.
http://learningenglishinriadevigo.blogspot.com.es/ 

O protagonista da semana: ALAN

Na semana, do 18 ao 22 de Febreiro, o protagonista foi:

ALAN

Como sempre, ao longo da semana, fomos coñecendo un pouco máis ao noso compañeiro Alan: os seus apelidos, onde vive, os seus gustos... Estivo encantado de poder amosarnos os seus obxectos favoritos: peluche, xoguete, roupa, conto... Contounos que o peluche é o seu favorito porque o gañou nun xogo das festas de Bouzas.

Ensinounos fotos de cando era bebé e amosounos o pequeniña que era a súa roupa, coa cinta métrica comprobamos canto medrou.

O venres, día 22, tivemos a visita na aula do seu pai, Yago; a súa mamá non puido vir porque tiña que traballar. Viña acompañado dunha das súas mascotas, a tartaruga “Pelusín-Pelusín”

Alan amosoulle o traballo que estivo a facer durante a semana e deseguido chegou o momento das preguntas. Comezamos preguntando o seu nome e interesándonos polos seus traballos. Yago contounos que traballa nunha fábrica de coches, que todos coñecemos, que se chama Citröen, e que o seu taballo consiste en axustar moi ben as luces dos coches. Pareceunos moi importante, xa que se non quedan ben, os condutores non verían pola noite.

Tamén quixemos saber como é Alan na casa. Contounos que se porta ben, que xoga moito, que axuda nalgunhas tarefas, sobre todo a facer o zume de laranxa do almorzo, que bebe moito, que o seu deporte favorito é o fútbol e o seu equipo favorito, por suposto, o Celta; xa ten o carné e todo!

Despois observamos de cerca a Pelusín, contáronnos o que come e como se coida. Tamén nos contaron a historia doutra mascota que teñen na casa, unha cadeliña, que rescataron da perrera municipal, porque os antigos donos deixárona abandonada.

A continuación, nos contou un conto moi chulo sobre unha tartaruga moi lista. Gustounos moito!

Xa para rematar, repartiron uns agasallos feitos por eles. Unhas manualidades de froitas con cosidos moi chulas

E, como sempre, antes de marchar entregámoslle un diploma como recordo desta semana e despedímolos cun merecido aplauso.

GRACIÑAS

A protagonista da semana: ARIADNA

Esta semana , do 4 ao 8 de febreiro. a protagonista foi Ariadna.
(disculpade as molestias. Esta entrada xa foi publicada con anterioridade pero debido a motivos técnicos, a temos que voltar a publicar)

ARIADNA

O luns día 4, na asemblea, Ariadna foi nomeada protagonista e, durante toda a semana, fomos coñecendo os seus apelidos, data de nacemento, as súas cousas favoritas: roupa, xoguete, conto..., o seu peso, medida, talla, nº de zapato, dirección, etc. Tamén vimos moitas fotos de cando era bebé, de cando está coa súa familia,... E, con todo isto, foise enchendo o recuncho do protagonista da nosa aula.

O venres día 8, recibimos a visita da familia na aula. Viñeron a súa mamá, o seu tío Miguel e unha das súas mascotas, a cadeliña Nara.

Ariadna mostroulles o traballo que estivo a realizar nesta semana, no seu libro de protagonista, e así, a mamá foinos contando algunha cousiña desas fotos que non sabiamos.

Os compañeiros tiñan curiosidade por saber cal era o seu nome, o traballo e cousas de cando era bebé, así coma tamén como se comporta cando está na casa. Deste xeito, soubemos que a mamá se chama Cristina, que traballa na Telepizza, aínda que algúns xa o sabían porque van por alí, que Ariadna foi un bebé moi bo e tomaba bos biberóns, que lle gusta moito xogar e tamén axudar na casa; é colaboradora e alegre.

A cadela Nara portouse de marabilla e os nenos e nenas estiveron encantados de que se deixara acariñar dese xeito.

E, xa para rematar, repartiron os agasallos: unha ficha de colorear e un saboroso palote.

Despedímolos, coma sempre, cun agarimoso aplauso e un diploma para agradecer a súa colaboración e implicación no proxecto.

GRACIÑAS!