Reapertura da BiblioRía

Hoxe, 25 de outubro, desfrutamos da Reapertura da BiblioRía.

O alumnado de educación infantil foi o primeiro en entrar na biblioteca ás 09:30 horas da mañá.
Para poder acceder ao espazo, precisabamos da invitación que nos mandara Gaspar o mércores e así o fixemos, un encargado de cada aula foi o que levou de primeiro a invitación para que o resto da aula puidera pasar.
 

O espazo estaba precioso, cheo de libros, coma sempre, pero con moitas novas!!! Unha fermosa exposición de libros de arte (museos, pintores,...) presidía a BiblioRía, así como dous murais nas dúas portas, que nos desvelaban o título do proxecto de centro deste ano: "LENDO CON ARTE".

O primeiro que fixemos foi lembrar as normas que Gaspar quere que cumpramos sempre que veñamos a facer o préstamo, xogar co Encerado Dixital Interactivo, ler contos, coas visitas de autores ou contacontos,..., é dicir, sempre que veñamos a BiblioRía.
A continuación puidemos visualizar estes vídeo sobre unha fermosa historia que vivíu Gaspar cun can.

Unha vez revisadas as normas, visualizada a "nova decoración" da BiblioRía e descuberto o tema sobre o que versará o proxecto de centro deste ano, Gaspar agasallou a todos os nenos e nenas cunha saborosa gominola, un pequeno libro sobre o mundo da lectura e uns marcapáxinas para toda a aula que pintaremos estes días.

Tamén houbo agasallo para as mestras; uns chulísimos broche de fieltro coa forma da nosa mascota.

 

 

 

 A segunda parte desta reapertura foi a entrega das mochilas viaxeiras aos primeiro alumnos e alumnas que as levarían para as súas casas. Henrique, da aula de tres anos, Martín, da aula de 4 anos e Ada, da aula de 5 anos, foros os nenos escollidos para as recibir, xunto co alumnado de educación primaria.

Aquí vos deixamos as imaxes da entrega.

Para descobrir máis información sobre a reapertura, podes acceder ao blog da BiblioRía:

www.biblioria.blogspot.com

As novas de Gaspar - Nova carta

O pasado mércores, 23 de outubro, chegou ás nosas aulas unha nova carta de Gaspar.

Ola amiguiños e amiguiñas!

Aquí estou xa de volta, e encantado de pensar que axiña vou estar con vos, todos os días, escoitando as vosas risas e os vosos contos.

Como xa falta pouco para o Día das Bibliotecas Escolares, o 24 de outubro, estamos a preparar una pequena festa para ese día, por iso vos mando unha invitación. Espero que poidades vir todos/as, xunto coas vosas profesoras e profesores.

Pero antes quero mandarvos unhas pistas para axudarvos a descubrir o enigma proposto na carta anterior.

A primeira pista é un agasallo, un bulbo dunha pranta, que vos traio dese lugar no que estiven. Se o prantades e o cuidades ben, na primavera dará unha flor que é a típica do país no que me atopaba. Alí hai campos cheos delas, Xa o adiviñastes?

A segunda pista é ao mésmo tempo un pequeno favor que vos quero pedir. Xa tedes decorados os cadrados de cartolina que vos encarguei? Pois se é así gustaríame que poñades neles,  ben centradiñas, as láminas que vos envío. E... a ver que vos fai pensar! Pero antes diso, dádelle a volta, e coa información que atoparedes detrás podedes encher a ficha que tamén vos mando. Agora si podedes pegalas, pero con BLUE-TACK,  eh! (facede catro boliñas, unha en cada esquina e xa está).

Penso que volo puxen fácil, non si? Seguro que agora xa sabedes onde estiven e tamen en que país. E si é así, tamén tedes a pista do tema deste curso. Se aínda non o tedes claro non vos preocupedes, o día 25 quedará desvelado o misterio.

Moito me gustan estes xogos!  E a vos?

Bueno, pois non se fale máis. Mans á obra!

Agardo por vos,  o día 25,  na BiblioRía.

Bicos de libros,

GASPAR

16 de outubro de 2013

 

Despois de ler a carta, estivemos a falar e "discurrir" sobre as pistas que nos relataba (aquí podedes ver ao alumnado de 5 anos descubrindo o bulbo e as láminas agasalladas por Gaspar):

1. A primeira pista é un agasallo, un bulbo dunha pranta, que vos traio dese lugar no que estiven. Se o prantades e o cuidades ben, na primavera dará unha flor que é a típica do país no que me atopaba. Alí hai campos cheos delas, Xa o adiviñastes?

2.A segunda pista é ao mésmo tempo un pequeno favor que vos quero pedir. Xa tedes decorados os cadrados de cartolina que vos encarguei? Pois se é así gustaríame que poñades neles,  ben centradiñas, as láminas que vos envío. E... a ver que vos fai pensar! Pero antes diso, dádelle a volta, e coa información que atoparedes detrás podedes encher a ficha que tamén vos mando. Agora si podedes pegalas, pero con BLUE-TACK,  eh! (facede catro boliñas, unha en cada esquina e xa está).

Dentro de moi pouco, poderedes desfrutar coas actividades realizadas nas aulas coas láminas, así como das prantacións dos bulbos dos que medrará unha flor típica do país por onde andivo a nosa mascota.
De momento aquí vos deixamos coa invitación  para asistir á reapertura da BiblioRía (cada aula tiña a súa propia invitación personalizada).

Día das Bibliotecas Escolares e reapertura da BiblioRía

DENTRO DE POUCO, PODEREDES DESFRUTAR DE TODA A INFORMACIÓN NA WEB E BLOGS DA ESCOLA.

Baila no Samaín

Hoxe compartimos con todos esta canción tan chula para bailar no Samaín.

Agardamos que vos guste.

O Cullarapo Croque

Onte, martes 22 de outubro, desfrutamos dunha actividade sobre o conto "O Cullarapo Croque", grazas á visita á escola de Miguel, un mestre contacontos moi divertido (preme no seu nome para coñecelo un pouco máis).
Ao longo da actividade, puidemos descobrir os poemas que integran o libro e que xiran sobre temas como a lingua, o amor, o respecto a individualidade.... xunto a fermosas imaxes que forman un "todo" perfectamente conectado. 

Todos os presentes escoitamos con atención a Miguel, así coma participamos nas actividades e xogos que nos propoñía. Ao rematar a sesión, puidemos debuxar nunha folla unha das personaxes do conto que máis nos gustou e agasallar ao noso contacontos cunha morea de debuxos sobre o libro.
Aquí vos deixamos as imaxes da sesión.

Aquí vos deixamos coa presentación deste libro (un vídeo que puidemos atopar no blog  http://elvuelodelasmariposas.com/)

Por último, compartimos tamén este vídeo cos versos do libro.

Información sobre a folga do xoves, 24 de outubro

Ante a convocatoria de Folga para o xoves, día 24 de outubro, a dirección do colexio informa que, cando menos, a atención educativa estará cuberta polos servizos mínimos. Ante esta situación, non se pode garantir que a actividade lectiva se desenvolva con normalidade.

Con respecto ao transporte escolar, está previsto que funcionen con total normalidade e, o comedor escolar, estará cuberto polos servizos mínimos.

A actividade "Espertar xogando" de atención ao alumnado á primeira hora da mañá prestará servizo. 

Que número tes de zapato?

Onte, na aula de 5 anos estivemos a realizar unha actividade moi divertida e que recomendamos a todos os nosos usuarios e usuarias.

A actividade titúlase:

QUE NÚMERO TES DE ZAPATO?

Os nenos e nenas da aula tiñan moita curiosidade por coñecer o número de zapato que tiña cada un deles. Así, cada día que o encargado colocaba o número no calendario preguntaban cando iamos a xogar co calzado... pois esta semana foi a definitiva e decicimos que xa era hora de descobrir o número que cada un deles tiña agochado no seu zapato.

Como todos xuntos non podiamos comezar a descalzarnos, decidimos que a mellor forma de facelo sería por quendas, de un en un. Así, antes de iniciar o xogo, deixamos claras dúas normas para que todo transcurrise con tranquilidade: a primeira era saber esperar a quenda e, a segunda, respectar o compañeiro/a.

Cada un dos nenos e nenas da aula foi quitando o seu zapato e, coa axuda da mestra, foi buscando o número onde aparecía a talla de zapato. Cando xa o sabiamos, o neno/a indicado anotaba nunha táboa de rexistro a súa talla. Pouco a pouco, fomos enchendo os cadros cos resultados de todos os zapatos da aula, así como a gráfica que medraba e medraba. Algúns números quedaron baleiros, non tiñamos a ninguén coa talla 20, 21, 22...

Por outro lado, quixemos representar os resultado en volume, polo que utilizamos as construccións e fixemos torres en funcións dos nenos/as que tiñan ese número de zapato. Así, o "gañador" foi o número 29... tiñamos moitos nenos e nenas con esa talla!!! Doutra banda, Tomás, cun 34 de pé e Metsehet, cun 35 foron os que quedaron reflectidos cos pés máis grandes. Sara e Keira tiñan o número máis pequeno, o 26.

Unha vez recollidos todos os datos, cada un dos nenos e nenas recolleu toda a información nunhas follas de rexistro. Nun primeiro momento, anotaron os resultados de cada unha das tallas e, a continuación, traballamos por grupos. 

 

Para comezar, a mestra lle colocou a cada neno/a unha pegatina co número do seu zapato. Cada unha das mesas da aula (un total de 6) foi escribindo nunha folla os nomes dos integrantes do seu grupo así como a talla de zapato de tiñan; para iso, lle tiñan que preguntar ao compañeiro/a e, se tián dúbidas sobre como se escribían os números, o neno ou nena lle deixaba mirar a pegatina onde figuraban os números correspondentes

Unha actividade moi divertida e moi recomendable para traballar nas aulas. É unha forma moi amena e sinxela de traballar os números, as gráficas, a atención,...

Agardamos que esta actividade fora do voso interese e que a poñades en práctica xa que da moi bos resultados.

O outono - Arcimboldo

Fai un tempo, publicamos neste blog a seguinte entrada:

Xa podedes acceder a unha nova actividade para o Encerado Dixital Interactivo (EDI) ou "pizarra máxica".

Esta vez, vos presentamos unha actividade dirixida ao alumnado de educación infantil (tamén ao de primaria) onde traballamos cun cadro do artista Arcimboldo, concretamente con este:

"O outono"_1573_Museo do Louvre (París)

A actividade está dirixida a traballar APRENDENDO A PENSAR polo que a imaxe do cadro non se amosa na súa totalidade senón que, pouco a pouco, o alumnado vai mirando un anaquiño da imaxe e teñen que pensar que podería ser iso que se amosa.
Ao prensentar o cadro deste xeito, creamos un momento de intriga e despertamos a curiosidade. Formulamos diferentes preguntas: que ves?, que cores ves?, onde podería estar iso que miras?,...
Aquí vos deixamos unha mostra do que eles ven e que poderedes atopar ao descargar a actividade.

Para acceder á actividade e poder xogar con ela, podes dirixirte á Wiki do noso cole onde as temos almacenadas (preme no enderezo web ou na imaxe da portada da actividade e accederás á páxina onde está aloxada)

http://edi-riadevigo.wikispaces.com/Estaci%C3%B3ns+do+ano

Este ano, quixemos recuperar esta actividade e traballar de novo cos nenos e nenas este cadro. Voltamos presentar ao alumnado a imaxe, pero pouco a pouco. Case ninguén lembraba o xogo e xurdiron, de novo, ideas e pensamentos variados ata que algún dixo que era una cara formada con froitos.
Como estes días estamos a traballar coa estación do outono, decidimos que sería boa idea facer un "Señor Outono" no corredor, por iso puxemos mans á obra e comezamos a colorear froitos e follas da estación.
Unha vez tivemos todo pintado e recortado, chegou o momento de comezar a montar a cara do "Señor Outono" e aquí van algunhas imaxes da montaxe. Cando estea rematado, subiremos ao blog o resultado que agardamos vos guste.