"La mariquita Juanita"_5 anos. Nos reflexamos no lago

Como todas as semanas, os nenos e nenas de 5 anos, traballamos cos contos de "La mariquita Juanita".

Nesta ocasión, seguimos a profundizar co primeiro conto e a realizar actividades variadas. Así, Juanita viuse reflectida no lago e nós quixemos dramatizar e debuxar esa situación, polo que imaxinamos que estabamos diante dun lago e que sería o que estariamos a mirar.

Estes cadros nos axudaron a facernos unha idea:

 Narciso
Autor: Caravaggio. 1597-1599
Pintura ao óleo
Estilo barroco
110 x 92 cm.
Galería Nacional de Arte Antigo. Roma. Italia.

  Narciso
Autor: Jan Cossiers. 1638
Pintura ao óleo
97 x 93 cm.
Museo Nacional do Prado. Madrid. España.

A continuación, debuxamos nun folio A3 o debuxo dun lago e nos fomos "mirando nel", nos miramos no noso lago imaxinario. Uns poucos nenos e nenas foron debuxando o que se reflectía ata contar con bastantes reflexos. Con todos os debuxos, elaboramos un pequeno lago e construimos un mural que decorará a nosa exposición.

A continuación, cada un de nós debuxou na súa folla o seu reflexo. algúns, decidimos que tamén se reflectira o sol, as nubes, algún compañeiro ou familiar que se asomaba con nós, etc. Aquí podedes ver os debuxos: