miércoles, 8 de octubre de 2014

Mural de outono na aula de 3 anos

Na aula de tres anos, estamos a traballar coa estación do OUTONO e, máis concretamente, coa caída das follas (pouco a pouco, incorporaremos outros aspectos da estación: as castañas, o Samaín, os froitos máis característicos,... ) Aquí vos deixamos co mural elaborado no corredor da clase onde os máis pequemos nos amosan que son todos uns artistas.

O primeiro que fixemos foi debuxar a árbore e, a continuacuón, pintar con témpera marrón por dentro da mesma.
 Unha vez rematada, pintamos o ceo azul e pegamos ben o mural sobre a parede.

Na aula, estivemos a colorear coas cores do outono as diferentes follas nas que, posteriormente, a mestra pegou a imaxe de cada un de nós. 
Así, estas follas son as que están a caer da árbore e as incorporamos ao debuxo do corredor para rematar este mural tan chulo.
Como non podía ser doutra forma, para rematar nos fixemos unha foto coa nosa obra de arte.


Agora, pouco a pouco, completaremos este mural con máis características da estación, así que moi atentos e atentas xa que, dende este blog, informaremos de todas as novas e actividades.

No hay comentarios:

Publicar un comentario