viernes, 28 de febrero de 2014

Festa de Entroido 2014 (ACTUALIZAMOS)

Por fin chegou a esperada Festa de Entroido!
Despois de todo a semana cumprindo ordes do Meco, hoxe puidemos poñernos os nosos traxes que tanto tempo levabamos preparando.
Facendo alusión ao proxecto deste ano, "Lendo con Arte", os nenos e nenas de educación infantil se disfrazaron con motivos alusivos ao tema e, máis concretamente, aos cadros e o pintor que traballan máis a fondo, Van Gogh.
Así, o alumnado de 4º de educación infantil, 3 anos, fixo o seu particular homenaxe ao cadro "La noche estrellada" e foi vestido da seguinte forma:
Os nenos e nenas de 5º de educación infantil, 4 anos, quixeron facer unha homenaxe ao pintor e se disfrazaron da seguinte forma.

Por último, o alumnado de 6º de educación infantil, 5 anos, quixo converterse nun "Jarrón con doce girasoles". Non eran doce, senón 25 e parecía que xa chegara a primavera.
Coma sempre, dende as aulas de educación infantil, lles damos as GRAZAS a todas as familias pola súa colaboración. 

Aquí vos deixamos tamén co Testamento e o Xuízo do Meco deste ano. 



O MARCO BALEIRO
Que  tristura    o  feito  de  ver  un  marco  sen  cadro… un  marco  sen  vida.
Que  tristura    o  feito  de   saber que  existen  cantidade  e  cantidade  de  obras  de  arte  esquecidas  en  almacéns  ou  lugares   onde  non  poden  ser  visitadas por  ninguén.
Neste  entroido  queremos  dar  luz  a  esas  obras entronizando  como  Meco  a  este  marco  baleiro. Un Meco  que  sirva  de  escaparate  e  complemento  ás  obras de  arte  traballadas  no  colexio  a  través  do  proxecto
“LENDO CON ARTE”.



Testamento do Meco
Estou temeroso, non sei que facer,
 Xa que, espido me atopo e non hai nada que ver.
A pesares do vacio que demostro, falto de decoración
Agardo que me dedes, como en ocasións pasadas, a absolución.
Tendo en conta o pouco tempo que queda,
deixo testemuña para quen ler queira.
Mandeivos choivas, fríos e ventos fóra de toda lóxica
Para por data á proxima celebración da PAZ, mercade unha estación metereolóxica.
A quen se lle conte…  isto non é normal!
Menuda machada co asunto do carnaval!
Celebran máis tarde a paz do 30 de xaneiro,
e antes de nada, o entroido do mes de febreiro
Deixoume abraiado a BiblioRía, o seu proxecto “Lendo con arte”
Dos seus traballos pronto acabaras por namorarte.
Para vós pinturas de todos os estilos,
Si queredes algunha máis so tedes que dicilo.
Hainas do renacemento, do barroco, do vangardismo
Mesmo algunhas representativas do cubismo.
Podédesme decorar coa vosa sinatura,
A mellor compaña para calquera pintura.
Que ro salvarme da fogueira,
préstome para servir de marco para un debuxo calqueira.
Ou pensando mellor, tedes polos corredores do cole reproduccións excelentes,
Si os presentades na miña compaña poden quedar ben relucentes.
Agora que me vexo acorralada por todos vós parece que me chega o final,
Estando tan triste como estou, xa me vexo diante dun tribunal.
Seredes capaces de queimarme pero… atención!
Tras de min quedarán orfos óleos, acuarelas…  Que decepción!!


Xuízo do Meco
Unha vez escoitado o testamento con moita atención,
nós, alumnado e profesorado do colexio, chegamos á seguinte conclusión:

A simple vista custa moito pensar
que a partir de todo o dito, finalmente o poidamos perdoar.
Certo é que nunca a ninguén fixo mal,
Máis ben o contrario. Que enriqueza coa súa presenza a un cadro é o máis normal.
O de prestarse a que escribades sobre el e un sinal de achegamento,
Despois diso, queimalo sería un atrevemento.
Temos no cole moitas pinturas por enmarcar,
por iso e polo demais, pensemos que o imos ter que indultar.
Nese caso, polo que queda de curso,
cada semana mostrará unha pintura como se fose un concurso.
Postos a pensar con obxectividade,
Non vemos neste marco sinal algún de culpabilidade.
O meco representado neste marco, merece sen dúbida algunha a absolución.


Xa podedes ver as imaxes das celebracións de Entroido destes día grazas ao ANPA da escola.
Aquí vos deixamos a ligazón:
 
Durante estes días, estaremos de VACACIÓNS DE ENTROIDO, polo que 
non haberá clases ata o vindeiro xoves, 6 de marzo. Recomendámosvos que xoguedes coas actividades propostas para o Entroido (poderedes atopar unha morea delas premendo na imaxe do antiface, situado na barra dereita superior deste blog)

8 comentarios:

  1. Estaban todos guapísimos. Moi Feliz Entroido!!!!!!

    ResponderEliminar
    Respuestas
    1. Moitas grazas, Ana.
      Que pases tamén moi bo Entroido y o desfrutes.
      Saúdos e bicos.

      Eliminar
  2. hola q guapos están todos disfrazados .Pero algunos disfraces fueron realizados en el cole , no todos los padres podrían acudir a realizar dicha tarea ya que no estaban invitados .Me gustaría saber cual fue el motivo para tomar la dicha selección . GRACIAS

    ResponderEliminar
    Respuestas
    1. Querido Anónimo,
      En primeiro lugar, moitas grazas por comentar. Agradecemos moito as túas palabras.
      En segundo lugar, aclaramos a túa dúbida; os disfraces foron realizados, en parte, polas familias nas casas e, por outro, polas mestras na escola.
      O único que te pode levar a confsión é o seguinte: unhas mamás de alumnado de cinco anos pediron un espazo da escola para se poder xuntar e se axudar unhas a outras cos disfraces. Despois de solicitar a autorización á direción da escola, se considerou que poderían utilizar unhas mesas do comedor e elas alí estiveron, pola súa conta, axudándose unhas a outras.
      Foi unha proposta delas que nos comentaron e non nos supuxo ningún inconvinte que dispuxerN da instalación, pero a idea non xurdíu das mestrñas nin nós tiñamos pensado realizar xuntanza das familias para esa tarefa.
      Gracias e espero que espero que resolveras a túa dúbida.
      Saúdos e bicos.

      Eliminar
  3. Guapísimos!!!!!! gracias por hacer que se lo pasen tan bien.

    ResponderEliminar
    Respuestas
    1. Moitas grazas polo comentario.
      O resultado foi grazas á colaboración familia/escola que sempre nos da estes marabillosos resultados.
      Saúdps e apertas

      Eliminar
  4. Guapísimos todos los peques y en especial ese ramo de girasoles q aportaron color a estos dias grises. Gracias profes por vuestro trabajo y esfuerzo. (Mama de Irene)

    ResponderEliminar
    Respuestas
    1. Moitas grazas mamá de Irene!
      Os nenos e nenas estaban guapísimos e aportaron, xunto con outros disfraces unha cor fantástica a un día nublado

      Eliminar