jueves, 12 de febrero de 2015

Lendo Espero

Xa sabedes que dende a BiblioRía do colexio desenvolvemos un programa titulado "Lendo Espero", para que as familias que así o desexen poidan agardar polos seus fillos/as na biblioteca do centro, lendo un libro ou unha revista; deste xeito, a espera se fai un pouco máis amena e entretida.
Para facilitar un pouco máis o acercamento das familias coa lectura, o pasado martes, 10 de febreiro, inauguramos na entrada da escola un recuncho que leva por nome "Lendo Espero", e onde poderedes ler a prensa, unha revista, libros variados,... mentres agardadades polos vosos fillos/as á saída da xornada escolar, das actividades extraescolares, do comedor, etc.
Dende aquí, tamén queremos lembrar ás familias que a BiblioRía da escola está a vosa disposición no seguinte horario:
- Luns, Mércores, Xoves e Venres: dende as 16:00 ata as 18:00 horas, atendida polo mestre que estea de garda ese día.
- Martes: dende as 16:00 ata as 17:00, atendida polo Equipo de BiblioRía da escola.
Aproveitamos a ocasión para dicirvos que na biblioteca da escola contamos con novos exemplares de libros moi interesantes, os cales podedes levar en préstamo para as casas, así como que agardamos que desfrutedes deste recuncho do porche da escola, pensado especialmente para vós e co que desenvolvades o amor pola lectura.

FELICES LECTURAS E FELIZ ESPERA!!!
Fonte das imaxes: http://biblioria.blogspot.com.es/ (Non dubidedes en visitar o blog)

2 comentarios: